MISA DE SANTA MARÍA DOMINGA MAZZARELLO

Misa aprobada por la Sagrada Congregación de Ritos el 1 de Marzo de 1952.

   

Die 14 Maji
In Festo S. Mariæ Dominicæ Mazzarello, Virginis

Semiduplex

 

Introitus. Ps. 44, 8. Dilexísti justítiam, et odísti iniquitátem: proptérea unxit te Deus, Deus tuus, óleo lætítiæ præ consórtibus tuis (T.P. Allelúja, allelúja). Ibid., 2. Eructávit cor meum verbum bonum: dico ego ópera mea Regi. ℣. Glória Patri.

 

ORATIO

Deus, qui per beátam Maríam Domínicam humilitáte et caritáte præcláram novum in Ecclésia tua vírginum cœtum congregásti: concéde propítius; ut ejúsdem exémplis júgiter inhæréntes, vitam consequámur ætérnam. Per Dóminum.

   

Et fit Commemoratio Feriæ in Missis non conventualibus.

 

Léctio Epístolæ beáti Pauli Apóstoli ad Corínthios

1. Cor. 1, 26-31.

 

Fratres: Vidéte vocatiónem vestram, quia non multi sapiéntes secúndum carnem, non multi poténtes, non multi nóbiles: sed quæ stulta sunt mundi elégit Deus, ut confúndat sapiéntes; et infírma mundi elégit Deus, ut confúndat fórtia; et ignobília mundi et contemptibília elégit Deus et ea quæ non sunt, ut ea quæ sunt destrúeret, ut non gloriétur omnis caro in conspéctu ejus. Ex ipso áutem vos estis in Christo Jesu, qui factus est nobis sapiéntia a Deo et justítia et sanctificátio et redémptio; ut, quemadmódum scriptum est: Qui gloriátur, in Dómino gloriétur.

  

Graduale. Ps. 79, 10-12. Plantásti rádices ejus et implévit terram.

℣. Exténdit pálmites suos úsque ad mare.

 

Allelúja, allelúja. ℣. Prov. 31, 30. Múlier timens Dóminum ipsa laudábitur. Allelúja.

   

Post Septuagesimam, omissis Allelúja et Versu sequenti, dicitur:

Tractus. Ps. 44, 11 et 12. Áudi fília, et vide, et inclína áurem tuam: quía concúpivit Rex spéciem tuam.

℣. Ibid., 13 et 10. Vultum tuum deprecabúntur omnes dívites plebis: fília regum in honóre tuo.

℣. Ibid., 15-16. Adducéntur Regi vírgines post eam: próximæ ejus afferéntur tibi.

℣. Afferéntur in lætítia, et exsultatióne: adducéntur in templum Regis.

   

Tempore autem Paschali, omittitur Graduale, et ejus loco dicitur:

Allelúja, allelúja.

℣. Prov. 31, 30. Múlier timens Dóminum ipsa laudábitur. Allelúja.

℣. Prov. 11, 2. Ubi est humílitas, ibi et sapiéntia. Allelúja.

  

Si venerit post Septuagesima, omissis Allelúja et versu sequens, sed dicitur sequens:

Tractus. Ps. 44, 11-12. Áudi, fília, et vide, et inclína aurem tuam: quia concupívit Rex spéciem tuam.

℣. Ibid., 13, 10. Vultum tuum deprecabúntur omnes dívites plebis: fíliæ regum in honóre tuo.

℣. Ibid., 15-16. Adducéntur Regi Vírgines post eam: próximæ ejus afferéntur tibi.

℣. Afferéntur in lætítia et exsultatióne: adducántur in templum Regis.

   

Tempore autem Paschali omíttitur Graduale, et ejus loco dicitur:

Allelúja, allelúja.

℣. Ps. 44, 15 et 16. Adducéntur Regi Vírgines post eam: próximæ ejus afferéntur tibi in lætítia. Allelúja.

℣. Ibid., 5. Spécie tua et pulchritúdine tua inténde, próspere procéde et regna. Allelúja.

 

✠ Sequéntia sancti Evangélii secúndum Lucam.

Luc. 10, 25-28.

  

In illo témpore: Dixit Jesus: Confíteor tibi Pater, Dómine cœli et terræ, quod abscondísti hæc a sapiéntibus et prudéntibus, et revelásti ea párvulis. Étiam Pater: quóniam sic plácuit ante te. Ómnia mihi trádita sunt a Patre meo. Et nemo scit quis sit Fílius, nisi Pater; et quis sit Pater, nisi Fílius et cui volúerit Filius reveláre. Et convérsus ad discípulos suos dixit: Beáti óculi qui vident quæ vos vidétis; dico enim vobis quod multi prophétæ et reges volúerunt vidére quæ vos vidétis et non vidérunt, et audíre quæ audítis et non audiérunt. Et ecce quídam legis perítus surréxit tentans illum et dicens: Magíster, quid facieédo vitam ætérnam possidébo? At ille dixit ad eum: In lege quid scriptum est? quómodo legis? Ille respóndens dixit: Díliges Dóminum Deum tuum ex toto corde tuo et ex tota ánima tua et ex ómnibus víribus tuis et ex omni mente tua et próximum tuum sicut teípsum. Dixítque illi: Recte respondísti: hoc fac et vives.

 

Et dicitur Credo.

  

Ofertorium. Prov. 1, 8-9. Áudi disciplínam patris tui, ut addátur grátia cápiti tuo et tórques collo tuo. (T.P. Allelúja.)

 

SECRETA

Hóstiam, Dómine, tibi dicátam libénter súscipe, et, qua beáta María Domínica veheménter æstuávit, cor nostrum inflámma caritáte. Per Dóminum.

   

Et fit Commemoratio Feriæ.

 
Communio. Cant. 3, 4. Invénti quem díligit ánima mea: ténui eum, nec dimíttam. (T.P. Allelúja.)

  

POSTCOMMUNIO

Cœléstibus pasti delíciis, súpplices te, Dómine, deprecámur: ut quem ex hoc sacro convívio puritátis et caritátis fructum beáta María Domínica percépit, ipsi quóque percípere valeámus. Per Dóminum.

   

Et fit Commemoratio Feriæ.