Del Misal Romano de San Pío V.
Missa pro remissione peccatorum
Paramenti violacei
Introitus. Sap. 11, 24, 25 et 27. Mieréris ómnium, Dómine, et nihil odísti eórum, quæ fecísti: dissímulans peccáta hóminum propter pœniténtiam, et parcens illis: quia tu es Dóminus, Deus noster. (T. P. Allelúja, allelúja.) Ps. 56, 2. Miserére mei, Deus, miserére mei: quóniam in te confídit ánima mea. ℣. Glória Patri.
ORATIO
Exáudi, quǽsumus, Dómine, súpplicum preces, et confiténtium tibi parce peccátis: ut páriter nobis indulgéntiam tríbuas benígnus et pacem. Per Dóminum nostrum.
Léctio Epístolæ beáti Pauli Apóstoli ad Romános.
Rom. 7, 22-25.
Fratres: Condeléctor legi Dei secúndum interiórem hóminem: video autem áliam legem in membris meis, repugnántem legi mentis meæ, et captivántem me in lege peccáti, quæ est in membris meis. Infélix ego homo, quis me liberábit de córpore mortis hujus? Grátia Dei per Jesum Christum, Dóminum nostrum.
Graduale. Ps. 78, 9-10. Propítius esto, Dómine, peccátis nostris, ne quando dicant gentes: Ubi est Deus eórum?
℣. Ibid., 9. Ádjuva nos, Deus, salutáris noster: et propter honórem nóminis tui, Dómine, líbera nos.
Allelúja, allelúja. ℣. Ps. 7, 12. Deus judex justus, fortis et pátiens: numquid irascátur per síngulos dies? Allelúja.
Post Septuagesimam, omissis Allelúja et Versu sequenti, dicitur:
Tractus. Ps. 129, 1-4. De profúndis clamávi ad te, Dómine: Dómine, exáudi vocem meam.
℣. Fiant aures tuæ intendéntes in oratiónem servi tui.
℣. Si iniquitátes observáveris, Dómine: Dómine, quis sustinébit?
℣. Quia apud te propitiátio est: et propter legem tuam sustínui te, Dómine.
Tempore autem Paschali omittitur Graduale, et ejus loco dicitur:
Allelúja, allelúja.
℣. Ps. 7, 12. Deus judex justus, fortis et pátiens: numquid irascátur per síngulos dies? Allelúja.
℣. Ps. 50, 10. Audítui meo dabis gáudium et lætítiam: et exsultábunt ossa humiliáta. Allelúja.
✠ Sequéntia sancti Evangélii secúndum Lucam.
Luc. 11, 9-13.
In illo témpore: Dixit Jesus discípulis suis: Pétite, et dábitur vobis; quǽrite, et inveniétis; pulsáte, et aperiétur vobis. Omnis enim, qui pétii, accipit; et qui quǽrit, invénit; et pulsánti aperiétur. Quis áutem ex vobis patrem petit panem: númquid lápidem dabit illi? Aut piscem: númquid pro pisce serpéntem dabit illi? Aut si petíerit ovum: númquid pórriget illi scorpiónem? Si ergo vos, cum sitis mali, nostis bona data dare fíliis vestris: quánto magis Pater vester de cœlo dabit spíritum bonum peténtibus se?
Offertorium. Ps. 101, 2. Dómine, exáudi oratiónem meam: et clamor meus ad te pervéniat. (T. P. Allelúja.)
SECRETA
Hóstias tibi, Dómine, placatiónis et laudis offérimus: ut et delícta nostra miserátus absólvas, et nutántia corda tu dírigas. Per Dóminum nostrum.
Communio. Luc. 11, 9-10. Pétite, et dábitur vobis; quǽrite, et inveniétis; pulsáte, et aperiétur vobis. Omnis enim, qui pétii, accipit; et qui quǽrit, invénit; et pulsánti aperiétur. (T. P. Allelúja.)
POSTCOMMUNIO
Præsta nobis, ætérne Salvátor: ut, percipiéntes hoc múnere véniam peccatórum, deínceps peccáta vitémus. Per Dóminum.
No hay comentarios:
Publicar un comentario
Los comentarios deberán relacionarse con el artículo. Los administradores se reservan el derecho de publicación, y renuncian a TODA responsabilidad por el contenido de los comentarios que no sean de su autoría. La blasfemia está estrictamente prohibida, y los insultos a la administración es causal de no publicación.
Comentar aquí significa aceptar las condiciones anteriores. De lo contrario, ABSTENERSE.
+Jorge de la Compasión (Autor del blog)
Jorge Rondón Santos (Editor colaborador)