LETANÍA DE LOS SANTOS ÁNGELES, TOMADA DE LA SAGRADA ESCRITURA

Tomado del devocionario Flores ascétici et priváta exercítia pietátis, publicado en Turín por la imprenta de Francesco Marietti en 1838.

   

Kýrie, eléison. 

Christe, eléison. 

Kýrie, eléison.

  

Christe, áudi nos. 

Christe, exáudi nos. 

 

Pater de cœlis Deus, miserére nobis. 

Fili Redémptor mundi Deus, miserére nobis. 

Spíritus Sancte Deus, miserére nobis. 

Sancta Trínitas unus Deus, miserére nobis.

  

Sancte Míchaël, Princeps cœléstis exércitus, ora pro nobis.

Qui prǽlium magnum in cœlo cum Dracóne commisísti, ora pro nobis.

Qui Dracónem cum Ángelis apóstatis de cœlo projecísti, ora pro nobis.

Qui cum Diábolo dispútans, de córpore Móysi altercátus es, ora pro nobis.

   

Sancte Gábriel, qui Daniéli divínam visiónem patefecísti, ora pro nobis.

Qui cum Azaría, et sóciis ejus in fórnacem descéndens, flammam ignis excussísti, ora pro nobis.

Qui Zacharíæ Joánnis ortum, et ministérium prænunciásti, ora pro nobis.

Qui missus a Deo ad Maríam in Názareth, Incarnatiónis Verbi Dei núncius extitísti, ora pro nobis.

  

Sancte Ráphaël, unus e septem spirítibus qui adsístunt ante Dóminum, ora pro nobis.

Qui Tobíam juniórem fidus viæ comes salvum duxísti, ora pro nobis.

Qui Dæmónium a Sara depulísti, ora pro nobis.

Qui Tobiæ senióri visum restituísti, ora pro nobis.

Sancte Seraphíne, qui ígnito carbóne os Isaíæ purgásti, oráte pro nobis.

Sancte Cherubíne, qui ad custodiéndam viam ligni vitæ constitútus fuísti, ora pro nobis.

Qui super sólium Dei excélsum et elevátum statis, oráte pro nobis.

Qui júgiter Deo, Sanctus, Sanctus, Sanctus, concínitis, oráte pro nobis.

Qui ad Ábraham hábitu peregrinórum hospítio suscépti estis, oráte pro nobis.

Qui Sodomítas cæcitáte percussístis, oráte pro nobis.

Qui Loth cum suis, de médio impiórum eduxístis, oráte pro nobis.

Qui Ábraham cógnita ejus obediéntia ab immolatióne únici fílii revocásti, ora pro nobis.

Qui per scalam Jacob ascendístis et descendístis, oráte pro nobis.

Qui cum Jacob luctátus, eum in fémore percussísti, ora pro nobis.

Qui Jacob de cunctis malis eruísti, ora pro nobis.

Qui domos Israëlitárum pertránsiens, primogénita Ægyptiórum percussísti, ora pro nobis.

Qui Israëlítas ex Ægýpto per mare rubrum, et desértum in terram promissiónis deduxísti, ora pro nobis.

Qui Móysi legem Dei tradidístis, ora pro nobis.

Qui Bálaam cum asína, ad maledicéndum Israëlítis pergénti restituísti, ora pro nobis

Princeps exércitus Dómini, qui in auxílium Jósue missus fuísti, ora pro nobis.

Qui ob peccátum Davídis septuagínta míllia virórum de pópulo pestiléntia percussísti, ora pro nobis

Qui Daniélis in lacum Leónum cibum procurásti, ora pro nobis.

Qui una nocte in castris Assyriórum centum octogínta quínque hóminum míllia peremísti, ora pro nobis

Qui Æliodórum thesáuros templi rápere voléntem, ácriter castigásti, oráte pro nobis.

Qui Joseph trépidum ad conjúgium Maríæ Vírginis animásti, ora pro nobis

Qui Christi Nativitátem Pastóribus annunciásti, oráte pro nobis.

Qui nato Salvatóre glóriam Deo, et pacem homínibus gratulándo decantásti, oráte pro nobis.

Qui Joseph de fuga cum púero Jesu, et Matre ejus in Ægýptum monuísti, ora pro nobis.

Qui Christo in desérto, post depúlsum tentatórem, ministrásti, oráte pro nobis.

Qui Christum in agonía pósitum confortásti, ora pro nobis

Qui lápidem a sepúlchro Christi revolvísti, ora pro nobis.

Qui juxta sepúlchrum Christi in albis sedéntes, Christum redivívum muliéribus prædicástis, oráte pro nobis.

Qui Christo in cœlos ascendénte ejus Discípulis apparuístis, oráte pro nobis.

Qui Apóstolos e cárcere edúctos palam in templo statuísti, oráte pro nobis.

Qui Petrum e vínculis et manu Heródis mirabíliter liberásti, ora pro nobis.

Qui Heródem divínos honóres usurpántem percussísti, ora pro nobis

Qui Lázarum in sinum Ábrahæ deportástis, oráte pro nobis.

Qui hóminum curam et custódiam a Deo mandátam accepístis, oráte pro nobis.

Qui semper fáciem Patris, qui in cœlis est, vidétis, oráte pro nobis.

Qui super uno peccatóre pœniténtiam agénte gaudétis, oráte pro nobis.

Administratórii spíritus, qui capiéntibus hæreditátem salútis in ministérium missi estis, oráte pro nobis.

Minístri Dei, qui fácitis voluntátem ejus, oráte pro nobis.

Qui Cornélio Centurióni per Petrum salútis mónita procurástis, ora pro nobis.

Qui orántium preces ad Deum defértis, oráte pro nobis.

Qui cum Christo in majestáte sua ad judícium procédente, ventúri estis, oráte pro nobis.

Qui ad suprémum tribúnal totum mundum tuba citábitis, oráte pro nobis.

Qui eléctos in fine sǽculi congregatúri estis, oráte pro nobis.

Qui de Christi regno ómnia scándala collígetis, oráte pro nobis.

Qui malos de médio justórum separábitis, oráte pro nobis.

Omnes sancti beatórum Spirítuum Órdines, oráte pro nobis.

A cunctis perículis, per Sanctos Ángelos tuos, líbera nos Dómine.

Ab insídiis Diáboli, per Sanctos Ángelos tuos, líbera nos Dómine.

A peste, fame, et bello, per Sanctos Ángelos tuos, líbera nos Dómine.

A subitánea, et improvísa morte, per Sanctos Ángelos tuos, líbera nos Dómine.

   

Peccatóres, te rogámus audi nos.

Ut nobis parcas, te rogámus audi nos.

Ut Ecclésiam tuam sanctam régere, et conserváre dignéris, te rogámus audi nos.

Ut Reipúblicæ Christiánæ pacem, et unitátem lárgiri dignéris, te rogámus audi nos.

Ut ómnibus fidélibus defunctis requiem æternam donare digneris, te rogámus audi nos.

Agnus Dei, qui tollis peccáta mundi, parce nobis, Dómine.

Agnus Dei, qui tollis peccáta mundi, exáudi nos, Dómine.

Agnus Dei, qui tollis peccáta mundi, miserére nobis.

    

Pater noster, qui es in cœlis: Sanctificétur nomen tuum: Advéniat regnum tuum: Fiat volúntas tua, sicut in cœlo, et in terra. Panem nostrum quotidianum da nobis hódie: Et dimítte nobis débita nostra, sicut et nos dimíttimus debitóribus nostris.  Et ne nos indúcas in tentatiónem, sed líbera nos a malo. Amen.

 

ORATIO

Deus, qui miro órdine, Angelórum ministéria hominúmque dispénsas: concéde propítius; ut, a quibus tibi ministrántibus in cœlo semper assístitur, ab his in terra vita nostra muniátur, per Christum Dóminum nostrum. Amen.