MISA DE LA SANTA COLUMNA DE LA FLAGELACIÓN

En la Basílica de Santa Práxedes, tal vez la iglesia más antigua de Roma (construida en la casa donde San Pudente, senador romano hijo del senador Quinto Cornelio Pudente y padre de los santos Novato, Timoteo, Práxedes y Pudenciana, acogió al Apóstol San Pedro) se encuentra la Santa Columna en la cual Nuestro Señor Jesucristo fue flagelado por orden de Pilatos para aplacar (en vano) la ira de los escribas y fariseos que pedían su muerte.

    

La columna, de 63 centímetros de alto y entre 13 y 20 centímetros de diámetro (dimensiones estándares para una columna de flagelación) fue tallada en diorita marmorizada proveniente de Egipto, y hallada primeramente por Santa Elena, permaneciendo en veneración en Jerusalén. En el contexto de la toma de Damietta, la reliquia fue enviada por los cruzados del Reino de Jerusalén al cardenal Juan Colonna “El joven”, legado papal de Honorio III y regente del Imperio Latino de Constantinopla, que la hizo instalar en la basílica de Santa Práxedes, de la cual era titular, en 1224. La columna estuvo hasta 1699 en el centro de la capilla de San Zenón, cuando fue trasladada a un nicho entre esta y la nave derecha donde permanece actualmente, resguardada en un relicario fabricado en 1899 según diseño de Diulio Cambelloti.

   

Cuando San Carlos Borromeo, cardenal presbítero de Santa Práxedes, acudía a Roma, solía ofrecer el Santo Sacrificio de la Misa ante la Columna, cuya capilla tenía la siguiente inscripción, donde se la distingue de otra que se venera en el Santo Sepulcro de Jerusalén desde el siglo XIV, cuando fue trasladada desde el Cenáculo:

Colúmna, quæ in Sancta Capélla recónditur huic depíctæ omníno símilis non ea est, quæ templi pórticum susținébat, ad quam Dóminus Jesus Christus in suæ Passiónis nocte alligátus, illúsus, et verberátus fuit: Sed ea est, quæ in Piláti Prætório pro fustigatiónis supplício áderat, ad quam Dóminus noster Jesus Christus jubénte Piláto flagellátus est. Íntegra enim est, nec major erat, ne postérior flagellándi hóminis pars ab altióri colúmna tegerétur, quam Joánnes Cardinális Colúmna Legátus Apostólicus in pártibus Orientálibus sub Honório III. circa annum Dómini M.CC.XXIIII. huc asportávit (Esta columna, que está aquí en esta Santa Capilla pintada en sus colores, no es la que sostenía el pórtico del templo, a la cual fue atado, escarnecido y golpeado el Señor Jesucristo en la noche de su Pasión, sino aquella en que se realizaba el suplicio de la flagelación en el Pretorio de Pilato, donde Jesucristo nuestro Señor fue llevado a flagelar por órdenes de Pilato. Esta es íntegra, no mayor, en la cual el hombre era atado de lo alto de la columna para ser flagelado en su parte posterior, que el cardenal Juan Colonna, Legado Apostólico en las tierras orientales bajo Honorio III, hizo transportar aquí hacia el año del Señor 1224).

  

En varios lugares, la Misa de esta reliquia se celebra el martes de Quincuagésima. En el Patriarcado latino de Jerusalén lo es el martes de Sexagésima.

   

Sacræ Colúmnæ Flagellatiónis Dómini Nostri Jesu Christi.

Duplex Majus.

Introitus. Isai 63, 3. Tórcular calcávi solus, et de géntibus non est vir mecum: aspérsus est sanguis eórum super vestiménta mea, et ómnia induménta mea inquinavi. Circumspéxi, et non erat auxiliàtor: quæsívi, et non fuit qui adjuváret. (T.P. Allelúja, allelúja). Ps. 68, 2. Salvum me fac, Deus: quóniam intravérunt aquæ usque ad ánimam meam. ℣. Glória Patri.

    

ORATIO

Deus, qui pro salúte nostra in assúmptæ carnis infirmitáte ad colúmnam alligári, et flagéllis cædi voluísti: concéde propítius; ut qui ejúsdem colúmnæ solémnia celebramus, pretiósi sánguinis tui fructum cónsequi mereámur: Qui vivis et regnas cum Deo Patre in unitáte Spíritus Sancti Deus, per ómnia sǽcula sæculórum. Amen.

Léctio Isaíæ Prophétæ

Isa. 53, 6-12.

  

Omnes nos quasi oves errávimus, unusquísque in viam suam declinávit: et pósuit Dóminus in eo iniquitátes ómnium nostrum. Oblátus est quia ipse vóluit, et non apéruit os suum; sicut ovis ad occisiónem ducétur, et quasi agnus coram tondénte se obmutéscet, et non apériet os suum. De angústia, et de judício sublátus est. Generatiónem ejus quis enarrábit? quia abscíssus est de terra vivéntium: propter scelus pópuli mei percússi eum. Et dabit ímpios pro sepultúra, et dívitem pro morte sua, eo quod iniquitátem non fécerit, neque dolus fúerit in ore ejus. Et Dóminus vóluit contérere eum in infirmitáte. Si pósuerit pro peccáto ánimam suam, vidébit semen longævum super terram, et volúntas Dómini in manu ejus dirigétur. Pro eo quod laborávit ánima ejus, vidébit et saturábitur: in sciéntia sua justificábit ipse justus servus meus multos, et iniquitátes eórum ipse portábit. Ídeo dispértiam ei plúrimos, et fórtium divídet spólia, pro eo quod trádidit in mortem ánimam suam, et cum scelerátis reputátus est. Et ipse peccáta multórum tulit, et pro transgressóribus rogávit.

   

Graduale. Ezech. 16, 39 et 42. Dabo te in sánguinem furóris et zeli, et denudábunt te vestiméntis tuis, et áuferent vasa decóris tui, et congregábo inimícos super te úndique.

℣. Et requiéscet indignátio mea in te, et quiéscam, nec iráscar ámplius.

   

Tractus. Ps 87, 7, 17, 19. Super me confirmátus est furor tuus, et omnes fluctus tuos induxísti super me.

℣. In me transiérunt iræ tuæ, et terróres tui conturbavérunt me

℣. Elongásti a me amícum et próximum, et notos meos a miséria.

    

In Missis votivis per annum, dicitur:

Graduale. Ezech. 16, 39 et 42. Dabo te in sánguinem furóris et zeli, et denudábunt te vestiméntis tuis, et áuferent vasa decóris tui, et congregábo inimícos super te úndique.

℣. Et requiéscet indignátio mea in te, et quiéscam, nec iráscar ámplius.

  

Allelúja, allelúja. ℣. Ps. 21, 7. Ego autem sum vermis, et non homo, oppróbrium hóminum, et abjéctio plebis. Allelúja.

  

Tempore Paschali, omittitur Graduale et ejus loco, dicitur:

Allelúja, allelúja. ℣. Ps. 21, 7. Ego autem sum vermis, et non homo, oppróbrium hóminum, et abjéctio plebis. Allelúja.

℣. Ps. 68, 2 et 3. Intravérunt aquse usque ad ánimam meam, veni in altitúdinem maris, et tempéstas demérsit me. Allelúja.

✠ Sequéntia sancti Evangélii secúndum Joánnem

Joann. 18, 39-40 et 19, 1.

   

In illo témpore: Pilátus exivit ad Judǽos, et dixit eis: Ego nullam invénio in eo causam. Est autem consuetúdo vobis ut unum dimíttam vobis in Pascha: vultis ergo dimíttam vobis regem Judæórum? Clamavérunt ergo rursum omnes, dicéntes: Non hunc, sed Barábbam. Erat autem Barábbas latro. Tunc ergo apprehéndit Pilátus Jesum, et flagellávit.

   

Credo.

    

Offertorium. Job 16, 12 et 14. Conclúsit me Deus apud iníquum, et mánibus impiórum me trádidit. Confrégit me, convulnerávit lumbos meos, et non pepércit, et effúdit in terra víscera mea. (T.P. Allelúja). 

SECRETA

Ut semper tibi casto córpore serviámus, et mundo corde placeámus; tríbue nobis, omnípotens Deus, hæc sacrosánta commércia illo humilitátis spíritu pertractáre, quo pro peccátis nostris ad colúmnam flagellári vóluit Unigénitus Fílius tuus Jesus Christus Dóminus noster: Qui tecum vivit et regnat in unitáte Spíritus Sancti Deus, per ómnia sǽcula sæculórum. Amen.

   

Præfatio de Cruce.

Vere dignum et justum est, ǽquum et salutáre, nos tibi semper et ubíque grátias ágere: Dómine sancte, Pater omnípotens, ætérne Deus: Qui salútem humáni géneris in ligno Crucis constituísti: ut, unde mors oriebátur, inde vita resúrgeret: et, qui in ligno vincébat, in ligno quoque vincerétur: per Christum, Dóminum nostrum. Per quem majestátem tuam laudant Ángeli, adórant Dominatiónes, tremunt Potestátes. Cœli cœlorúmque Virtútes ac beáta Séraphim sócia exsultatióne concélebrant. Cum quibus et nostras voces ut admítti júbeas, deprecámur, súpplici confessióne dicéntes:

   

Sanctus, Sanctus, Sanctus Dóminus, Deus Sábaoth. Pleni sunt cœli et terra glória tua. Hosánna in excélsis. Benedíctus, qui venit in nómine Dómini. Hosánna in excélsis.

    

Communio. Ps. 88, 42-44. Factus est oppróbrium vicínis suis: exaltásti déxteram depriméntium eum, lætificásti omnes inimicos ejus: avertísti adjutórium gládii ejus, et non es auxiliátus ei in bello. (T.P. Allelúja).

   

POSTCOMMUNIO

Réspice, Dómine, de domo sancta tua, et da nobis inveníre grátiam ante fáciem judícii tui: ut, qui pretióso córpore et sánguine Unigéniti tuo sagináti sumus; ejus passiónis mérito in ætérna justórum tabernácula récipi mereámur: Qui tecum vivit et regnat in unitáte Spíritus Sancti Deus, per ómnia sǽcula sæculórum. Amen.