Vexílla Regis

Vexílla Regis
MIENTRAS EL MUNDO GIRA, LA CRUZ PERMANECE

LOS QUE APOYAN EL ABORTO PUDIERON NACER

LOS QUE APOYAN EL ABORTO PUDIERON NACER
NO AL ABORTO. ELLOS NO TIENEN LA CULPA DE QUE NO LUCHASTEIS CONTRA VUESTRA CONCUPISCENCIA

NO QUEREMOS QUE SE ACABE LA RELIGIÓN

NO QUEREMOS QUE SE ACABE LA RELIGIÓN
No hay forma de vivir sin Dios.

ORGULLOSAMENTE HISPANOHABLANTES

ORGULLOSAMENTE HISPANOHABLANTES

martes, 9 de febrero de 2016

MISA DE LA SANTA FAZ DE NUESTRO SEÑOR JESUCRISTO

Del Misal Romano de San Pío V. Salvo las oraciones propias (que fueron aprobadas por la Sagrada Congregación de Ritos mediante decreto del 13 de Julio de 1910), la Misa “Humiliávit” corresponde a la de la Pasión de Cristo -Martes de Sexagésima, y votiva para los Viernes-, por concesión de San Pío X, mediante rescripto del 9 de Noviembre de 1908. La Misa “Propter te sustínui”, que es más antigua, es del propio de los Misales de las diócesis de Fréjus y Marsella (Francia). Ambas misas son en honor a una misma reliquia, que está custodiada en la Basílica de San Pedro: la imagen de la Santa Faz de nuestro Señor, impresa en el velo de Santa Verónica.
   
Feria III post Dominicam Quinquagesimæ
Sacri Vultus Dómini Nostri Jesu Christi
Duplex Majus.
  
Introitus. Philipp. 2, 8-9. Humiliávit semetípsum Dóminus Jesus Christus usque ad mortem, mortem autem crucis: propter quod et Deus exaltávit illum, et donávit illi nomen, quod est super omne nomen. (T. P. Allelúja, allelúja.) Ps. 88, 2. Misericórdias Dómini in ætérnum cantábo: in generatiónem et generatiónem. ℣. Glória Patri.
   
ORATIO
Dómine Jesu Christe, cujus sacratíssimus Vultus in Passióne abscónditus sicut sol in sua virtúte relúcet; concéde propítius; ut tuis passiónibus communicántes in terris, in revelatióne glóriæ tuæ gaudére valeámus in cœlis. Qui vivis.
  
Léctio Zacharíæ Prophétæ.
Zach. 12, 10-11; 13, 6-7.
  
Hæc dicit Dóminus: Effúndam super domum David et super habitatóres Jerúsalem spíritum grátiæ et precum: et aspícient ad me, quem confixérunt: et plangent eum planctu quasi super unigénitum, et dolébunt super eum, ut doléri solet in morte primogéniti. In die illa magnus erit planctus in Jerúsalem, et dicétur: Quid sunt plagæ istæ in médio mánuum tuárum? Et dicet: His plagátus sum in domo eórum, qui diligébant me. Frámea, suscitáre super pastórem meum, et super virum cohæréntem mihi, dicit Dóminus exercítuum: pércute pastórem, et dispergéntur oves: ait Dóminus omnípotens.
 
Graduale. Ps. 68, 21-22. Impropérium exspectávi cor meum et misériam: et sustínui, qui simul mecum contristarétur, et non fuit: consolántem me quæsívi, et non invéni.
℣. Dedérunt in escam meam fel, et in siti mea potavérunt me acéto.
 
Tractus. Is. 53, 4-5. Vere languóres nostros ipse tulit et dolóres nostros ipse portávit.
℣. Et nos putávimus eum quasi leprósum et percússum a Deo et humiliátum.
℣. Ipse autem vulnerátus est propter iníquitates nostras, attrítus est propter scélera nostra.
℣. Disciplína pacis nostræ super eum: et livóre ejus sanáti sumus.
 
In Missis votivis ante Septuagesimam vel post Pentecostes, Graduale ut supra et, omisso Tractu, dicitur:
Allelúja, allelúja. ℣. Ave, Rex noster: tu solus nostros es miserátus erróres: Patri obœ́diens, ductus es ad crucifigéndum, ut agnus mansúetus ad occisiónem. Allelúja.
  
Tempore autem Paschali, omissis Graduali et Tractu, dicitur:
Allelúja, allelúja.
℣. Ave, Rex noster: tu solus nostros es miserátus erróres: Patri obœ́diens, ductus es ad crucifigéndum, ut agnus mansúetus ad occisiónem. Allelúja.
℣. Tibi glória, hosánna: tibi triúmphus et victória: tibi summæ laudis et honóris coróna. Allelúja.
 
Sequéntia sancti Evangélii secúndum Joánnem.
Joann. 19, 28-35.
  
In illo témpore: Sciens Jesus, quia ómnia consummáta sunt, ut consummarétur Scriptúra, dixit: Sítio. Vas ergo erat pósitum acéto plenum. Illi autem spóngiam plenam acéto, hyssópo circumponéntes, obtulérunt ori ejus. Cum ergo accepísset Jesus acétum, dixit: Consummátum est. Et inclináto capite trádidit spíritum. Judǽi ergo (quóniam Parascéve erat), ut non remanérent in cruce córpora sábbato (erat enim magnus dies ille sábbati), rogavérunt Pilátum, ut frangeréntur eórum crura et tolleréntur. Venérunt ergo mílites: et primi quidem fregérunt crura et alteríus, qui crucifíxus est cum eo. Ad Jesum autem cum veníssent, ut vidérunt eum jam mórtuum, non fregérunt ejus crura, sed unus mílitum láncea latus ejus apéruit, et contínuo exívit sanguis et aqua. Et qui vidit, testimónium perhíbuit: et verum est testimónium ejus.
 
Et dicitur Credo.
  
Offertorium. Insurrexérunt in me viri iníqui: absque misericórdia quæsiérunt me interfícere: et non pepercérunt in fáciem meam spúere: lánceis suis vulneravérunt me, et concússa sunt ómnia ossa mea. (T. P. Allelúja.)
 
SECRETA
Protéctor noster, áspice, Deus, et réspice in Fáciem Christi tui; qui tibi semetípsum pro nobis hóstiam óbtulit, et præsta: ut eámdem immaculátam hóstiam offeréntes, ipsi quóque in holocáustum tibi accéptum transeámus. Per eumdem Dóminum.
 
Præfatio de Cruce.
Vere dignum et justum est, æquum et salutáre, nos tibi semper et ubíque grátias ágere: Dómine sancte, Pater omnípotens, ætérne Deus: Qui salútem humáni géneris in ligno Crucis constituísti: ut, unde mors oriebátur, inde vita resúrgeret: et, qui in ligno vincébat, in ligno quoque vincerétur: per Christum, Dóminum nostrum. Per quem majestátem tuam laudant Ángeli, adórant Dominatiónes, tremunt Potestátes. Cœli cœlorúmque Virtútes ac beáta Séraphim sócia exsultatióne concélebrant. Cum quibus et nostras voces ut admítti júbeas, deprecámur, súpplici confessióne dicéntes:
 
Sanctus, Sanctus, Sanctus Dóminus, Deus Sábaoth. Pleni sunt cœli et terra glória tua. Hosánna in excélsis. Benedíctus, qui venit in nómine Dómini. Hosánna in excélsis.
 
Communio. Ps. 21, 17-18. Fodérunt manus meas et pedes meos: dinumeravérunt ómnia ossa mea. (T. P. Allelúja.)
   
POSTCOMMUNIO
Fáciem tuam, quǽsumus, Dómine, super nos benígnus illúmina, ut tuas justificatiónes edócti, per hæc sacrosancta mystéria blandiéntem mundum eludére et persequéntem superáre póssimus. Qui vivis.

Infrascriptæ Missæ de Sancta Faciei D. N. J. C, ex Proprium Diœcesibus Forojuliensis et Massiliensis, dici possunt ut festivæ ubicumque, ad libitum sacerdotis, juxta rubricas. Similiter hujusmodi Missæ dici possunt etiam ut votivæ, nisi aliqua expresse excipiatur:
  
Feria III post Dominicam Quinquagesimæ
Sancta Faciei Dómini Nostri Jesu Christi, in Passiónem deformátam
Altera Missa.
  
Introitus. Ps. 68, 8 et 12. Propter te sustínui oppróbrium: opéruit confúsio fáciem meam, et factus sum illis in parábolam. (T. P. Allelúja, allelúja.) Ps. Ibid., 1. Salvum me fac, Deus, quóniam intravérunt aquæ usque ad ánimam meam. ℣. Glória Patri.
   
ORATIO
Concéde, quǽsumus, omnípotens et miséricors Deus, ut qui Fáciem Christi tui propter peccáta nostra in passióne deformátam venerámur, eámdem in cœlésti glória fulgéntem contemplári perpétuo mereámur. Per eúmdem Dóminum.
  
Léctio Isaíæ Prophétæ.
Isa. 52, 14-15; 53, 1-4.
  
In diébus illis: Dixit Isaías: Sicut obstupuérunt super te multi sic inglórius erit inter viros aspéctus ejus, et forma ejus inter fílios hóminum, iste aspérget gentes multas, super ipsum continébunt reges os suum: quia quíbus non est narrátum de eo vidérunt, et qui non audiérunt contempláti sunt. Dómine, quis crédidit audi tui nostro? et bráchium Dómini cui revelátum est? Et ascéndet sicut virgúltum coram eo, et sicut radix de terra sitiénti: non est spécies ei neque decor: et vídimus eum, et non erat aspéctus, et desiderávimus eum: despéctum et novíssimum virórum, virum dolórum, et sciéntem infirmitátem: et quasi abscónditus vultus ejus et despéctus, unde nec reputávimus eum. Vere languóres nostros ipse tulit, et dolóres nostros ipse portávit.
 
Graduale. Ps. 43, 16-17. Confúsio fáciei meae cœpéruit me: a voce exprobrántis et obloquéntis, a fácie inimíci et persequéntis.
℣. Marc. 14, 65. Cœpérunt conspúere Jesum, et veláre fáciem ejus, et cólaphis eum cǽdere, et dícere ei: Prophetíza. Et minístri álapis cum cædébant.
 
Tractus. Ps. 68, 21 et 22. Impropérium exspectávi cor meum et misériam: et sustínui, qui simul mecum contristarétur, et non fuit: consolántem me quæsívi, et non invéni. Dedérunt in escam meam fel, et in siti mea potavérunt me acéto.
℣. Ibid., 27. Quem tu percussísti persecúti sunt, et super dolórem vúlnerum meórum addidérunt.
   
In Missis votivis ante Septuagesimam vel post Pentecostes, Graduale ut supra et, omisso Tractu, dicitur:
Allelúja, allelúja. ℣. Ave, Rex noster: tu solus nostros es miserátus erróres: Patri obœ́diens, ductus es ad crucifigéndum, ut agnus mansúetus ad occisiónem. Allelúja.
  
Tempore autem Paschali, omissis Graduali et Tractu, dicitur:
Allelúja, allelúja.
℣. Ave, Rex noster: tu solus nostros es miserátus erróres: Patri obœ́diens, ductus es ad crucifigéndum, ut agnus mansúetus ad occisiónem. Allelúja.
℣. Tibi glória, hosánna: tibi triúmphus et victória: tibi summæ laudis et honóris coróna. Allelúja.
 
Sequéntia sancti Evangélii secúndum Marcum.
Marc. 14, 61-65.
  
In illo témpore: summus sacérdos interrogávit Jesum, et dixit ei: Tu es Christus, Fílius Dei benedícti? Jesus autem dixit illi: Ego sum: et vidébitis Fílium hóminis sedéntem a dextris virtútis Dei, et veniéntem cum núbibus cœli. Summus autem sacérdos scindens vestiménta sua, ait: Quid adhuc desiderámus testes? Audístis blasphémiam: quid vobis videtur? Qui omnes condemnavérunt eum esse reum mortis. Et cœpérunt quidam conspúere eum, et veláre fáciem ejus, et cólaphis eum cǽdere, et dícere ei: Prophetíza. Et minístri álapis cum cædébant.
  
Offertorium. Job 16, 9, 11 et 18. Suscitátur falsilóquus advérsus fáciem meam, contradícens mihi. Aperuérunt super me ora sua, et exprobrántes percussérunt maxíllam meam: saciáti sunt pœnis meis. Hæc passus sum cum habérem mundas ad Deum preces. (T. P. Allelúja.)
 
SECRETA
Avérte, miséricors Deus, Fáciem tuam a peccátis nostris, et réspice in Fáciem Christi tui, qui tibi semetípsum pro nobis hóstiam óbtulit, et lavit nos a peccátis nostris in Sánguine tuo. Qui tecum vivit.
 
Præfatio de Cruce.
Vere dignum et justum est, ǽquum et salutáre, nos tibi semper et ubíque grátias ágere: Dómine sancte, Pater omnípotens, ætérne Deus: Qui salútem humáni géneris in ligno Crucis constituísti: ut, unde mors oriebátur, inde vita resúrgeret: et, qui in ligno vincébat, in ligno quoque vincerétur: per Christum, Dóminum nostrum. Per quem majestátem tuam laudant Ángeli, adórant Dominatiónes, tremunt Potestátes. Cœli cœlorúmque Virtútes ac beáta Séraphim sócia exsultatióne concélebrant. Cum quibus et nostras voces ut admítti júbeas, deprecámur, súpplici confessióne dicéntes:
 
Sanctus, Sanctus, Sanctus Dóminus, Deus Sábaoth. Pleni sunt cœli et terra glória tua. Hosánna in excélsis. Benedíctus, qui venit in nómine Dómini. Hosánna in excélsis.
 
Communio. Hebr. 13, 1. Exeámus ígitur ad Jesum extra castra, impropérium ejus portántes. (T. P. Allelúja.)
   
POSTCOMMUNIO
Adorántibus, Dómine, Vultum tuum olim in ingomínia Passiónis quasi abscónditum, et in hoc amóris tui Sacraménto nunc velátum: concéde propítius ut et oppróbria tua débita veneratióne compensémus in terris, et glóriæ tuæ partícipes esse mereámur in cœlis. Qui vivis.

2 comentarios:

  1. El antiguo Misal de la Diócesis de Fréjus (Francia) tenía una Misa propia en honor de la Santa Faz de Nuestro Señor, que entonces se celebraba el Primer Domingo de Cuaresma:

    https://archive.org/stream/veronica00unse#page/106/mode/2up

    PD. Me parece que la fiesta de la Santa Faz se estableció para expiar los desafueros y licenciosidades del Mardi Gras.

    ResponderEliminar
    Respuestas
    1. Aquí el Oficio propio de la Santa Faz, que en la Archidiócesis de Marsella se celebraba el Viernes de Lætáre (Cuarta semana de Cuaresma):

      https://books.google.com.co/books?id=d7s-AAAAYAAJ&pg=PA205&lpg=PA205&dq=officia+propria+sanctorum+ecclesiae+massiliensis&source=bl&ots=7fs99HFzRT&sig=Cq7vWT-b_KS6Tz0p4OsvT8BPUZY&hl=es&sa=X&ved=0ahUKEwjfmvKsm-jYAhWHvVMKHT4cA9MQ6AEITTAH#v=onepage&q=s%20faciei&f=false

      Eliminar

Los administradores se reservan el derecho de publicación, y renuncian a TODA responsabilidad por el contenido de los comentarios que no sean de su autoría. La blasfemia está estrictamente prohibida.

+Jorge de la Compasión (Autor del blog)

Jorge Rondón Santos (Editor colaborador)