Vexílla Regis

Vexílla Regis
MIENTRAS EL MUNDO GIRA, LA CRUZ PERMANECE

LOS QUE APOYAN EL ABORTO PUDIERON NACER

LOS QUE APOYAN EL ABORTO PUDIERON NACER
NO AL ABORTO. ELLOS NO TIENEN LA CULPA DE QUE NO LUCHASTEIS CONTRA VUESTRA CONCUPISCENCIA

NO QUEREMOS QUE SE ACABE LA RELIGIÓN

NO QUEREMOS QUE SE ACABE LA RELIGIÓN
No hay forma de vivir sin Dios.

ORGULLOSAMENTE HISPANOHABLANTES

ORGULLOSAMENTE HISPANOHABLANTES

viernes, 16 de febrero de 2018

MISA DE LA CORONA DE ESPINAS DE NUESTRO SEÑOR JESUCRISTO

Del Misal Romano de San Pío V. El Viernes de Ceniza está consagrado a venerar la Santa Corona de Espinas, que trenzada con ramas de azufaifo (Ziziphus spina-Christi) por la vil soldadesca de Pilatos, ciñó la sien de Jesucristo nuestro Redentor, que desde la Cruz inaugurará su Reinado sobre las almas, familias y naciones. Esta reliquia, custodiada primero en Jerusalén, fue trasladada a Constantinopla donde permaneció hasta que el emperador Balduino II Latino la ofreció a San Luis Rey de Francia, que para albergarla construyó la Sainte Chapelle de París, y permaneció allí hasta su traslación a la Catedral de Notre Dame, donde se encuentra actualmente. Varias espinas de la Santa Corona se encuentran en toda Europa, siendo Italia y España dos de los principales poseedores de estas reliquias.

Feria VI post Cineres
Sacræ Spíneæ Corónæ Dómini Nostri Jesu Christi
Duplex Majus.
   
Introitus. Cant. 3,11. Egredímini et vidéte, fíliæ Sion, regem Salomónem in diadémate, quo coronávit eum mater sua, parans crucem Salvatóri suo. (T.P. Allelúja, allelúja.) Ps. 8, 6-7. Glória et honóre coronásti eum, Dómine: et constituísti eum super ópera mánuum tuárum. ℣. Glória Patri.

ORATIO
Præsta, quǽsumus, omnípotens Deus: ut, qui in memóriam passiónis Dómini nostri Jesu Christi Corónam ejus spíneam venerámur in terris, ab ipso glória et honóre coronári mereámur in cœlis: Qui tecum.
  
Léctio libri Sapiéntiæ.
Cant. 3, 7-11; 4, 1 et 8.
 
Léctulum Salomónis sexagínta fortes ámbiunt ex fortíssimis Israël: omnes tenéntes gládios et ad bella doctíssimi: uniuscujúsque ensis super femur suum propter timóres noctúrnos. Férculum fecit sibi rex Sálomon de lignis Líbani: colúmnas ejus fecit argénteas, reclinatórium áureum, ascénsum purpúreum: média caritáte constrávit propter fílias Jerúsalem. Egredímini et vidéte, fíliæ Sion, regem Salomónem in diadémate, quo coronávit illum mater sua in die desponsatiónis illíus et in die lætítiæ cordis ejus. Quam pulchra es, amíca mea, quam pulchra es! Óculi tui columbárum, absque eo, quod intrínsecus latet. Veni de Líbano, sponsa mea, veni de Líbano, veni: coronáberis.
 
Graduale. Eccli. 45, 14. Coróna áurea super caput ejus: expréssa signo sanctitátis, glória honóris et opus fortitúdinis.
℣. Ps. 20, 4. Quóniam prævenísti eum in benedictiónibus dulcédinis: posuísti in cápite ejus corónam de lápide pretióso.
 
Tractus. Isa. 61, 10. Índuit eum Dóminus vestiméntis salútis, et induménto justítiæ, quasi sponsum decorátum coróna.
℣. Isa. 28, 5. Coróna tribulatiónis efflóruit in corónam glóriæ et sertum exsultatiónis.
℣. Sap. 5, 17. Accépit regnum decóris, diadéma speciéi.
 
In Missis per annum, Graduale ut supra et, omisso Tractu, dicitur:
Allelúja, allelúja. ℣. Isa. 28, 5. Coróna tribulatiónis efflóruit in corónam glóriæ et sertum exsultatiónis. Allelúja.
 
Tempore autem Paschali, omissis Graduali et Tractu, dicitur:
Allelúja, allelúja.
℣. Eccli. 45, 14. Coróna áurea super caput ejus: expréssa signo sanctitátis, glória honóris et opus fortitúdinis. Allelúja.
℣. Tibi glória, hosánna: tibi triúmphus et victória: tibi summæ laudis et honóris coróna. Allelúja.
 
Sequéntia sancti Evangélii secúndum Joánnem.
Joann. 19, 1-5.
 
In illo témpore: Apprehéndit Pilátus Jesum et flagellávit. Et mílites plecténtes corónam de spinis, imposuérunt cápiti ejus: et veste purpúrea circumdedérunt eum. Et veniébant ad eum et dicébant: Ave, Rex Judæórum: et dabant ei álapas. Exívit ergo íterum Pilátus foras et dicit eis: Ecce, addúco vobis eum foras, ut cognoscátis, quia nullam invénio in eo causam. Exívit ergo Jesus portans corónam spíneam et purpúreum vestiméntum.
 
Et dicitur Credo.
 
Offertorium. Tuam Corónam adorámus, Dómine: tuam gloriósam recólimus passiónem. (T.P. Allelúja.)
 
SECRETA
Tuórum mílitum, Rex omnípotens, virtútem róbora: ut, quos in hujus mortalitátis stádio unigéniti Fílii tui Coróna lætíficat; consummáto cursu certáminis, immortalitátis bravíum apprehéndant. Per eúndem Dóminum.
 
Præfatio de Cruce.
Vere dignum et justum est, ǽquum et salutáre, nos tibi semper et ubíque grátias ágere: Dómine sancte, Pater omnípotens, ætérne Deus: Qui salútem humáni géneris in ligno Crucis constituísti: ut, unde mors oriebátur, inde vita resúrgeret: et, qui in ligno vincébat, in ligno quoque vincerétur: per Christum, Dóminum nostrum. Per quem majestátem tuam laudant Ángeli, adórant Dominatiónes, tremunt Potestátes. Cœli cœlorúmque Virtútes ac beáta Séraphim sócia exsultatióne concélebrant. Cum quibus et nostras voces ut admítti júbeas, deprecámur, súpplici confessióne dicéntes:
 
Sanctus, Sanctus, Sanctus Dóminus, Deus Sábaoth. Pleni sunt cœli et terra glória tua. Hosánna in excélsis. Benedíctus, qui venit in nómine Dómini. Hosánna in excélsis.
 
Communio. Prov. 4, 9. Lætáre, mater nostra, quia dabit Dóminus cápiti tuo augménta gratiárum, et coróna ínclita próteget te. (T.P. Allelúja.)

POSTCOMMUNIO
Súpplices te rogámus, omnípotens Deus: ut hæc sacraménta, quæ súmpsimus, per sacrosánctæ Fílii tui Corónæ, cujus sollémnia recensémus, virtútem, nobis profíciant ad medélam. Per eúndem Dóminum.

No hay comentarios:

Publicar un comentario

Los administradores se reservan el derecho de publicación, y renuncian a TODA responsabilidad por el contenido de los comentarios que no sean de su autoría. La blasfemia está estrictamente prohibida.

+Jorge de la Compasión (Autor del blog)

Jorge Rondón Santos (Editor colaborador)