Misa aprobada por la Sagrada Congregación de Ritos el 28 de Junio de 1957, a instancia del padre Renato Ziggiotti Castegnaro SDB, Rector Mayor de la Congregación Salesiana.
Sancti Domínici Savio, Confessóris.
Semiduplex.
Introitus. Apoc. 14, 4-5. Hi sequútur Agnum quocúmque ierit, primítiæ Deo et Agno: sine mácula enim sunt ante thronum Dei. (T. P. Allelúja, allelúja). Ps. 118, 1. Beáti quorum immaculáta est via, qui ámbulant in lege Dómini. ℣. Glória Patri.
ORATIO
Deus, qui in sancto Domínico mirábile adulescéntibus pietátis ac puritátis exémplar dedisti: concéde propitius; ut, eius intercessióne et exémplo, casto córpore et mundo corde tibi servire valeámus. Per Dóminum.
Et fit commemorátio Feriæ.
Lectio Epístolæ beáti Pauli Apóstoli ad Thessalonicénses.
1. Thes. 4, 1-3, 7.
Fratres, rogámus vos et obsecrámus in Dómino Jesu, ut quemádmodum accepístis a nobis quómodo opórteat vos ambuláre et placére Deo, sic et ambulétis, ut abundétis magis. Scitis enim quæ præcépta déderim vobis per Dóminum Jesum. Hæc est enim volúntas Dei, sanctificátio vestra. Non enim vocábit nos Deus in inmundítiam, sed in sanctificatiónem.
Graduale. Ps. 118, 99-100. Sénibus intelligéntior sum, quia præcépta tua obsérvo.
℣. Ab omni via mala cohíbeo pedes meos, ut custódiam viam tuam.
Allelúja, allelúja. ℣. Ps. 20, 2-3. Desidérium cordis ejus tribuísti ei, et petitiónem labiórum ejus non denegásti. Allelúja.
Post Septuagesimam, omissis Allelúja et Versu, dicitur:
Tractus. Ps. 118, 9-11. Quómodo puram servábit adúlescens viam suam? Custodiéndo verba tua.
℣. Toto corde meo quǽro te; ne sivéris me aberráre a mandátis tuis.
℣. In corde meo recóndo elóquium tuum, ne peccem contra te.
Tempore Paschali, loco Gradualis, dicitur:
Allelúja, allelúja.
℣. Ps. 20, 2-3. Desidérium cordis ejus tribuísti ei, et petitiónem labiórum ejus non denegásti. Allelúja.
℣. Ps. Ibid., 4. Benedictiónibus fáustis prevenísti eum: imposuísti cápiti ejus corónam de auro puro. Allelúja.
✠ Sequéntia sancti Evangélii secúndum Matthǽum.
Math. 11, 25-28.
In illo témpore, respóndens Jesus, dixit: Confíteor tibi, Pater, Dómine cœli et terræ, quia abscondísti hæc a sapiéntibus et prudéntibus, et revelásti ea párvulis. Ita, Pater: quóniam sic fuit plácitum ante te. Ómnia mihi tradíta sunt a Patre meo. Et nemo novit Fílium, nisi Pater: néque Patrem quis novit, nisi Fílius, et cui volúerit Fílius reveláre.
Offertorium. Ps. 99, 1-2. Exsultáte Dómino, omnes terræ; servíte Dómino cum lætítia; introíte in conspéctum ejus cum exsultatióne. (T. P. Allelúja).
SECRETA
Salutáris hóstia, quam tibi offérimus, Dómine, mentes nostras attóllat; et seráphico nos inflámmet ardóre, quo sanctus Domínicus veheménter æstuávit. Per Dóminum.
Communio. Gen. 27, 27. Ecce odor fílii mei sicut odor agri pleni, cui benedíxit Dóminus. (T. P. Allelúja).
POSTCOMMUNIO
Divína mensa refécti, tuam in nobis, quǽsumus, Dómine, réfove grátiam: ut, beáti Domínici vestígia secúti, et viríliter aggrediámur sanctitátis viam, et ánimas fratrum ad portum salútis perdúcere valeámus. Per Dóminum.
No hay comentarios:
Publicar un comentario
Los comentarios deberán relacionarse con el artículo. Los administradores se reservan el derecho de publicación, y renuncian a TODA responsabilidad por el contenido de los comentarios que no sean de su autoría. La blasfemia está estrictamente prohibida, y los insultos a la administración es causal de no publicación.
Comentar aquí significa aceptar las condiciones anteriores. De lo contrario, ABSTENERSE.
+Jorge de la Compasión (Autor del blog)
Jorge Rondón Santos (Editor colaborador)