Vexílla Regis

Vexílla Regis
MIENTRAS EL MUNDO GIRA, LA CRUZ PERMANECE

LOS QUE APOYAN EL ABORTO PUDIERON NACER

LOS QUE APOYAN EL ABORTO PUDIERON NACER
NO AL ABORTO. ELLOS NO TIENEN LA CULPA DE QUE NO LUCHASTEIS CONTRA VUESTRA CONCUPISCENCIA

NO QUEREMOS QUE SE ACABE LA RELIGIÓN

NO QUEREMOS QUE SE ACABE LA RELIGIÓN
No hay forma de vivir sin Dios.

ORGULLOSAMENTE HISPANOHABLANTES

ORGULLOSAMENTE HISPANOHABLANTES

lunes, 27 de agosto de 2018

MISA DE LAS SIETE ALEGRÍAS DE NUESTRA SEÑORA

En el Misal Votivo de Tierra Santa se consignaba la Misa de las Siete Alegrías de Nuestra Señora, la cual era celebrada el Domingo infraoctava de Ascención. Los franciscanos tienen una Misa Propia para el 27 de Agosto (los capuchinos lo celebran el día antes).

Die 27 Augusti
Septem Gaudiórum Beátæ Maríæ Vírginis
 
Introitus. Habac. 3, 18-19. Ego autem in Dómino gaudébo; et exsultábo in Deo Jesu meo: Deus Dóminus fortitúdo mea: super excélsa dedúcet me. Ps. 33, 2. Eructávit cor meum verbum bonum; dico ego ópera mea Regi. ℣. Gloria Patri.
 
ORATIO
Dómine Jesu Christe, qui diléctæ Genitrícis ánimum in te Salutári suo mirabíliter exsultáre fecísti: concéde propítius; ut qui ejúsdem Vírginis gaudia recólimus, a terrénis voluptátibus expéditi, supérnis consolatiónibus per ipsam impleámur. Qui vivis.
   
Lectio Libri Sapientiæ
Cant. 2, 1-14
 
Surge, própera, amíca mea, speciósa mea, et veni. Colúmba mea, in foramínibus petræ, in cavérna macériæ, osténde mihi fáciem tuam, sonet vox tua in áuribus meis: vox enim tua dulcis, et fácies tua decóra. Quam pulchra es, amíca mea! quam pulchra es! Óculi tui columbárum, absque eo quod intrínsecus latet. Capílli tui sicut greges caprárum quae ascendérunt de monte Galaad. Dentes tui sicut greges tonsárum quae ascendérunt de lavácro. Tota pulchra es, amíca mea, et mácula non est in te. Veni de Líbano, sponsa mea, veni de Líbano; veni coronáberis. Vulnerásti cor meum, soror mea, sponsa; vulnerásti cor meum in uno oculórum tuórum, et in uno crine colli tui. Mel et lac sub língua tua: et odor vestimentórum tuórum sicut odor thuris.
 
Graduale. Isa. 61, 10. Gaudens gaudébo in Dómino, et exsultábit ánima mea in Deo meo.
℣. Quia índuit me vestiméntis salútis, et induménto justítiæ circúmdedit me, quasi sponsam ornátam monílibus suis.

Allelúja, allelúja. Ps. 12, 6. Exsultábit cor meum, Deus, in Salutári tuo: cantábo Dómino, qui bona tríbuit mihi: et psallam nómini Dómini altíssimo.
  
SEQUENTIA
Gaude, Virgo mater Christi,
Namque Verbum concepísti,
Gabriéle núntio.
Fac, nos igne sancti Amóris
Accendámur, ut honóris
Fructus det devótio.
 
Gaude: digne prædicávit
Te cognáta, et exsultávit
Hujus infans gáudio.
Fac resólvi nos peccátis,
Atque ornári largitátis
Tuæ benefício.
 
Gaude, o Virgo Deo plena,
Prolem edens sine pœna,
Cum pudóre innóxio.
Fac, te Matrem qui lætántur
Invocáre, perfruántur
Almæ pacis praemio.

Gaude, quod ab Oriénte
Magi, stella prælucénte,
Dona ferunt Fílio.
Fac, donémur pietáte,
Fide, Spe, et Charitáte,
Puritátis lílio.

Gaude: Jesum dum quærébas,
Invenísti, et obstupebas
In Doctórum médio.
Fac, o nóbilis Patróna,
Ne perdámus cœli bona
In hoc mundi exsílio.
 
Gaude, quia dulcis Nati,
Quem vidisti mortem pati,
Fulget Resurréctio.
Fac, ab imo vitiórum
Surgat mens, et supernórum
Gustum spiret áctio.
 
Gaude, felix astra scandis,
Et est honor tibi grandis,
Regis aucta império.
Fac, ad cœlos ascendámus,
Ubi tecum gaudeámus
In ætérno sólio.
Amen. Allelúja.
  
Post Septuagesimam, omissis Allelúja cum versu sequenti, et ejus loco dicitur:
Tractus. Luc. 1, 46-49. Magníficat ánima mea Dóminum: et exsúlta vit spíritus meus in Deo Salutári meo.
℣. Quia respéxit humilitátem ancíllae suse: ecce enim ex hoc beátam me dicent omnes generatiónes.
℣. Quia fecit mihi magna, qui potens est, et sanctum nomen ejus.
  
Tempore autem Paschale, ommititur Graduale, et dicitur:
Allelúja, allelúja.
℣. Ps. 34, 9. Ánima mea exsultábit in Dómino, et delectábitur super Salutári suo. Allelúja.
℣. Ps. 33, 3. Cor meum, et caro mea exsultavérunt in Deum vivum.
   
 Sequéntia sancti Evangélii secúndum Lucam.
Luc.1, 26-38.
   
In illo tempore: Missus est Ángelus Gábriel a Deo in civitátem Galilǽæ, cui nomen Názareth, ad Vírginem desponsátam viro, cui nomen erat Joseph, de domo David, et nomen Vírginis María. Et ingréssus Ángelus ad eam, dixit: Ave, grátia plena; Dóminus tecum: benedícta tu in muliéribus. Quæ cum audís set, turbáta est in sermóne ejus: et cogitábat, qualis esset ista salutátio. Et ait Ángelus ei: Ne tímeas, María, invenísti enim grátiam apud Deum: ecce, concípies in útero, et páries fílium, et vocábis nomen ejus Jesum. Hic erit magnus, et Fílius Altíssimi vocábitur, et dabit illi Dóminus Deus sedem David, patris ejus: et regnábit in domo Jacob in ætérnum, et regni ejus non erit finis. Dixit autem María ad Ángelum: Quómodo fiet istud, quóniam virum non cognósco? Et respóndens Ángelus, dixit ei: Spíritus Sanctus supervéniet in te, et virtus Altíssimi obumbrábit tibi. Ideóque et quod nascétur ex te Sanctum, vocábitur Fílius Dei. Et ecce, Elísabeth, cognáta tua, et ipsa concépit fílium in senectúte sua: et hic mensis sextus est illi, quæ vocátur stérilis: quia non erit impossíbile apud Deum omne verbum. Dixit autem María: Ecce ancílla Dómini, fiat mihi secúndum verbum tuum.
  
Credo.
 
Offertorium. 1. Regem 2, 1. Exsultávit cor meum in Dómino, et exaltátum est cornu meum in Deo meo: quia laetáta sum in Salutari tua (T. P. Alleluja.)
 
SECRETA 
Ad épulas tuas, miséricors Deus, in voce exsultatiónis et confessiónis accedéntes, beátæ Vírginis mérita nos tibi reddant accéptos: ut inebriári ab ubertáte domus tuæ, et torrénte voluptátis tuæ potári valeámus. Per Dóminum,
    
Præfatio de B.M.V. Et te in Exsultatióne:
Vere dignum et justum est, æquum et salutáre, nos tibi semper et ubique grátias ágere: Dómine sancte, Pater omnípotens, ætérne Deus: Et te in Exsultatióne beátæ Maríæ semper Vírginis exsultántibus ánimis collaudáre, benedícere et prædicáre. Quæ et Unigénitum tuum Sancti Spíritus obumbratióne concépit: et, virginitátis glória permanénte, lumen ætérnum mundo effúdit, Jesum Christum, Dóminum nostrum. Per quem majestátem tuam laudant Angeli, adórant Dominatiónes, tremunt Potestátes. Cœli cœlorúmque Virtútes ac beáta Séraphim sócia exsultatióne concélebrant. Cum quibus et nostras voces ut admitti jubeas, deprecámur, súpplici confessióne dicéntes:
  
Sanctus, Sanctus, Sanctus Dóminus, Deus Sábaoth. Pleni sunt cœli et terra glória tua. Hosánna in excélsis. Benedíctus, qui venit in nómine Dómini. Hosánna in excélsis.
 
Communio. Ps. 29, 12. Convertisti, Dómine, planctum meum in gaudium mihi: conscidísti saccum meum, et circumdedísti me lætítia. (T. P. Allelúja.)
 
POSTCOMMUNIO
Dómine Deus, qui in te sperántes inhábitas, eósque facis in ætérnum lætári: concéde nobis, beátæ Vírginis Gáudia celebrántibus; ut per Sacramentálem Fílii tui in corde nostro mansiónem, lætítia inenarrábili et glorificáta exsultémus in cœlis. Per eúndem.

No hay comentarios:

Publicar un comentario

Los comentarios deberán relacionarse con el artículo. Los administradores se reservan el derecho de publicación, y renuncian a TODA responsabilidad por el contenido de los comentarios que no sean de su autoría. La blasfemia está estrictamente prohibida, y los insultos a la administración es causal de no publicación.

Comentar aquí significa aceptar las condiciones anteriores. De lo contrario, ABSTENERSE.

+Jorge de la Compasión (Autor del blog)

Jorge Rondón Santos (Editor colaborador)