MISA DE SANTA ESCOLÁSTICA DE NURSIA

Del Misal Romano de San Pío V. La segunda Misa es propia de la Orden de San Benito.

Die 10 Februarii
In Festo S. Scholasticæ, Virginis

Duplex

 

Introitus. Ps. 44, 12. Dilexísti justítiam, et odísti iniquitátem: proptérea unxit te Deus, Deus tuus, óleo lætítiæ præ consórtibus tuis. Ibid., 2. Eructávit cor meum verbum bonum: dico ego ópera mea Regi. ℣. Glória Patri.

 

ORATIO

Deus, qui ánimam beátæ Vírginis tuæ Scholásticæ ad ostendéndam innocéntiæ viam in colúmbæ spécie cœlum penetráre fecísti: da nobis ejus méritis et précibus ita innocénter vívere; ut ad ætérna mereámur gáudia perveníre. Per Dóminum.

   

Et, in Quadragesima, fit Commemoratio Feriæ in Missis non conventualibus.

 

Léctio Epístolæ beáti Pauli Apóstoli ad Corínthios

2. Cor. 10, 17-18; 11, 1-2

 

Fratres: Qui gloriátur, in Dómino gloriétur. Non enim, qui seípsum comméndat, ille probátus est; sed quem Deus comméndat. Utinam sustinerétis módicum quid insipiéntiæ meæ, sed et supportáte me: æmulor enim vos Dei æmulatióne. Despóndi enim vos uni viro vírginem castam exhibére Christo.

  

Graduale. Ps. 44, 5. Spécie tua et pulchritúdine tua inténde, próspere procéde et regna.

℣. Propter veritátem et mansuetúdinem et justítiam: et dedúcet te mirabíliter déxtera tua.

 

Allelúja, allelúja. ℣. Ibid., 15 et 16. Adducántur Regi Vírgines post eam: próximæ ejus afferéntur tibi in lætítia. Allelúja.

  

Si venerit post Septuagesima, omissis Allelúja et versu sequens, sed dicitur sequens:

Tractus. Ps. 44, 11-12. Áudi, fília, et vide, et inclína aurem tuam: quia concupívit Rex spéciem tuam.

℣. Ibid., 13, 10. Vultum tuum deprecabúntur omnes dívites plebis: fíliæ regum in honóre tuo.

℣. Ibid., 15-16. Adducéntur Regi Vírgines post eam: próximæ ejus afferéntur tibi.

℣. Afferéntur in lætítia et exsultatióne: adducántur in templum Regis.

   

Tempore autem Paschali omíttitur Graduale, et ejus loco dicitur:

Allelúja, allelúja.

℣. Ps. 44, 15 et 16. Adducéntur Regi Vírgines post eam: próximæ ejus afferéntur tibi in lætítia. Allelúja.

℣. Ibid., 5. Spécie tua et pulchritúdine tua inténde, próspere procéde et regna. Allelúja.

 

✠ Sequéntia sancti Evangélii secúndum Matthǽum.

Matth. 25, 1-13.

  

In illo témpore: Dixit Jesus discípulis suis parábolam hanc: Símile erit regnum cœlórum decem virgínibus: quæ, accipiéntes lámpades suas, exiérunt óbviam sponso et sponsæ. Quinque autem ex eis erant fátuæ, et quinque prudéntes: sed quinque fátuæ, accéptis lampádibus, non sumpsérunt óleum secum: prudéntes vero accepérunt óleum in vasis suis cum lampádibus. Moram autem faciénte sponso, dormitavérunt omnes et dormiérunt. Média autem nocte clamor factus est: Ecce, sponsus venit, exíte óbviam ei. Tunc surrexérunt omnes vírgines illæ, et ornavérunt lámpades suas. Fátuæ autem sapiéntibus dixérunt: Date nobis de óleo vestro: quia lámpades nostræ exstinguúntur. Respondérunt prudéntes, dicéntes: Ne forte non suffíciat nobis et vobis, ite pótius ad vendéntes, et émite vobis. Dum autem irent émere, venit sponsus: et quæ parátæ erant, intravérunt cum eo ad núptias, et clausa est jánua. Novíssime vero véniunt et réliquæ vírgines, dicéntes: Dómine, Dómine, áperi nobis. At ille respóndens, ait: Amen, dico vobis, néscio vos. Vigiláte ítaque, quia néscitis diem neque horam. 

 

Et dicitur Credo.

  

Ofertorium. Ps. 44, 10. Fíliæ regum in honóre tuo, ástitit regína a dextris tuis in vestítu deauráto, circúmdata varietáte.

 

SECRETA

Accépta tibi sit, Dómine, sacrátæ plebis oblátio pro tuórum honóre Sanctórum: quorum se méritis de tribulatióne percepísse cognóscit auxílium. Per Dóminum.

   

Et, in Quadragesima, fit Commemoratio Feriæ.

 
Communio. Matth. 25, 24, 26. Quinque prudéntes vírgines accepérunt óleum in vasis suis cum lampádibus: média autem nocte clamor factus est: Ecce, sponsus venit: exíte óbviam Christo Dómino.
  

POSTCOMMUNIO

Satiásti, Dómine, famíliam tuam munéribus sacris: ejus, quǽsumus, semper interventióne nos réfove, cujus sollémnia celebrámus. Per Dóminum.

    

Et, in Quadragesima, fit Commemoratio Feriæ; et de ea legitur Evangelium in fine, juxta Rubricas.

***

Die 10 Februarii
S. Matris Scholásticæ, Abbatísæ et Vírginis, Soróris S. P. N. Benedícti

Altera Missa

 

Introitus. Cant. 2, 1-2. Surge, própera, amíca mea, colúmba mea, et veni: jam enim hiems tránsiit, imber ábiit et recéssit. Ps. 54, 7. Quis dabit mihi pennas sicut colúmbæ? et volábo et requiéscam. ℣. Glória Patri.

 

ORATIO

Deus, qui ánimam beátæ Vírginis tuæ Scholásticæ ad ostendéndam innocéntiæ viam in colúmbæ spécie cœlum penetráre fecísti: da nobis ejus méritis et précibus ita innocénter vívere; ut ad ætérna mereámur gáudia perveníre. Per Dóminum.

 

Lectio libri Sapiéntiæ

Cant. 8, 1-4.

 

Quis mihi det te fratrem meum úbera matris meæ, ut invéniam te foris, et deósculer te, et jam me nemo despíciat? Apprehéndam te, et ducam in domum matris meæ. Ibi me docébis: et dabo tibi póculum ex vino condíto; et mustum malórum granatórum meórum. Læva ejus sub cápite meo, et déxtera illíus amplexábitur me. Adjúro vos filiæ Jerúsalem, ne suscitétis, neque evigiláre faciátis diléctam, donec ipsa velit.

  

Graduale. Cant. 8, 7-8. Aquæ multæ non potuérunt extinguere charitátem, nec flúmina óbruent illam.

℣. Si déderit homo omnem substántiam domus suæ pro dilectióne; quasi nihil despíciet eam.

 

Allelúja, allelúja. ℣. Cant. 2, 16-17. Diléctus meus mihi et ego illi, qui páscitur inter lília, donec aspíret dies, et inclinéntur umbræ. Allelúja.

  

Si venerit post Septuagesima, omissis Allelúja et versu sequens, sed dicitur sequens:

Tractus. Cant. 3, 4. Invéni quem diligit ánima mea, ténui eum, nec dimíttam.

℣. Cant. 1, 2-3. Óleum effúsum nomen tuum; ídeo adolescéntulæ dilexérunt te.

℣. Trahe me post te, currémus in odórem unguentórum tuórum.

℣. Exultábimus et lætábimur in te, mémores úberum tuórum super vinum recti diligunt te.

    

Tempore autem Paschali omíttitur Graduale, et ejus loco dicitur:

Allelúja, allelúja.

℣. Ps. 44, 15 et 16. Adducéntur Regi Vírgines post eam: próximæ ejus afferéntur tibi in lætítia. Allelúja.

℣. Ibid., 5. Spécie tua et pulchritúdine tua inténde, próspere procéde et regna. Allelúja.

    

In Missis votivis, ommititur Sequentia.

Émicat merídies,

Et beáta réquies

Vírgini Scholásticæ.

Intrat in cubícula;

Sponsi petit óscula,

Quem amávit únice.

    

Quantis cum gemítibus

Cordis et ardóribus

Hæc diléctum quǽsiit.

Movit cœlos lácrimis,

Imbribúsque plúrimis

Pectus fratris mólliit.

   

O grata collóquia,

Cum cœlórum gáudia

Benedíctus éxplicat!

Ardent desidéria,

Mentis et suspíria

Virgo sponsus éxcitat.

  

Veni formosíssima,

Sponsa dilectíssima,

Veni, coronáberis.

Dórmies in líliis,

Áfflues delíciis,

Et inebriáberis.

   

O colúmba vírginum,

Quæ de ripis flúminum

Adis aulam glóriæ;

Trahe nos odóribus,

Pasce et ubéribus

Immortális grátiæ.

Amen.

  

Extra Septuagesimam, additur Allelúja.

   

✠ Sequéntia sancti Evangélii secúndum Matthǽum.

Matth. 25, 1-13.

  

In illo témpore: Dixit Jesus discípulis suis parábolam hanc: Símile erit regnum cœlórum decem virgínibus: quæ, accipiéntes lámpades suas, exiérunt óbviam sponso et sponsæ. Quinque autem ex eis erant fátuæ, et quinque prudéntes: sed quinque fátuæ, accéptis lampádibus, non sumpsérunt óleum secum: prudéntes vero accepérunt óleum in vasis suis cum lampádibus. Moram autem faciénte sponso, dormitavérunt omnes et dormiérunt. Média autem nocte clamor factus est: Ecce, sponsus venit, exíte óbviam ei. Tunc surrexérunt omnes vírgines illæ, et ornavérunt lámpades suas. Fátuæ autem sapiéntibus dixérunt: Date nobis de óleo vestro: quia lámpades nostræ exstinguúntur. Respondérunt prudéntes, dicéntes: Ne forte non suffíciat nobis et vobis, ite pótius ad vendéntes, et émite vobis. Dum autem irent émere, venit sponsus: et quæ parátæ erant, intravérunt cum eo ad núptias, et clausa est jánua. Novíssime vero véniunt et réliquæ vírgines, dicéntes: Dómine, Dómine, áperi nobis. At ille respóndens, ait: Amen, dico vobis, néscio vos. Vigiláte ítaque, quia néscitis diem neque horam.

 

Credo (sed non in Missa votiva).

  

Ofertorium. Psal. 17, 14-16. Intónuit Dóminus de cœlo, et Altíssimus dedit vocem suam; grando et carbónes ignis; fúlgura multiplicávit et conturbávit eos, et apparuérunt fontes aquárum.

 

SECRETA

Súscipe, quǽsumus, Dómine, desidéria supplicántium cum oblatiónibus hostiárum: ut interveniénte Beáta Scholástica Vírgine tua, quæ te sincéro diléxit amóre, fides in nobis et cháritas augeátur. Per Dóminum.

 
Communio. Joann. 15, 7. Si manséritis in me, et verba mea in vobis mánserint, quodcúmque volúeritis, petétis, et fiet vobis, dicit Dóminus.
  

POSTCOMMUNIO

Famíliam tuam, quǽsumus, Dómine, spiritáli cibo satiátam, beátæ Virginis tuæ Scholástica méritis propitius réspice: ut, sicut ipsíus précibus, ad obtinéndum, quod optábat, imbrem cœ́litum descendére fecísti, ita ejus supplicatiónibus ariditátem cordis nostri supérnæ dignéris grátiæ rore perfúndere. Per Dóminum.

Infra Octav. dicitur eadem Missa cum Glória, Sequéntia et Credo; Oratio secunda, Concéde. Tertia Ecclésiæ. vel pro Papa ut fol. 268.

Si vero hoc Festum incidat in diem Cinerum, transfertur in diem sequentem liberam. Et si dies Octava veniat in die Cinerum vel Dominica prima Quadrages., nihil fit de ipsa, neque commem., sed terminetur Octava ad Nonam præcedentem.

Si in Quadragesima Officium fiat de Octava, Missa dic. de Feria, coloris viol., sine Glória et Credo; Oratio secunda de Octava; tertia,