MISA PARA PEDIR LA GRACIA DE UNA BUENA MUERTE

La misa ad postulandam gratiam bene moriendi quiere implorar la gracia de una santa muerte e inculca al cristiano la necesidad de prepararse adecuadamente para este momento supremo en el cual se fija el destino eterno de cada alma. El cristiano sobre el punto de morir debe armarse de los Santos Sacramentos de la Iglesia -la Confesión, el santo Viático y la Extremaunción- (desde luego, con un Sacerdote Católico tradicional) e implorar la ayuda de los Santos, especialmente la Virgen María y San José, Patrono de los moribundos. Luego que haya expirado el alma, deberá comparecer ante el tribunal de Cristo para el Juicio particular que, conforme a sus obras, emitirá el juicio de salvación o el de condena (sentencia que será ratificada el día del Juicio Universal, al fin del mundo).

 

Missa ad postulándam grátiam bene moriéndi

 

Introitus. Ps. 12, 4. Illúmina óculos meos, ne umquam obdórmiam in morte, ne quando dicat inimícus meus: Præválui advérsus eum (T.P. Allelúja, allelúja.) Ps. ibid, 1. Úsquequo, Dómine, oblivísceris me in finem? úsquequo avértis fáciem tuam a me? ℣. Glória Patri.

ORATIO

Omnípotens et miséricors Deus, qui humáno géneri et salútis remédia et vitæ ætérnæ múnera contulísti: réspice propítius nos fámulos tuos, et ánimas réfove, quas creásti; ut in hora éxitus eárum, absque peccáti mácula tibi, Creatóri suo, per manus sanctórum Angelórum repræsentári mereántur. Per Dóminum nostrum.

  

Léctio Epístolæ beáti Pauli Apóstoli ad Romános.

Act. 3, 22-26.

 

Fratres: Nemo nostrum sibi vivit, et nemo sibi móritur. Sive enim vívimus, Dómino vívimus: sive mórimur, Dómino mórimur. Sive ergo vívimus sive mórimur, Dómini sumus. In hoc enim Christus mórtuus est et resurréxit: ut et mortuórum et vivórum dominétur. Tu autem quid júdicas fratrem tuum? aut tu quare spernis fratrem tuum? Omnes enim stábimus ante tribúnal Christi. Scriptum est enim: Vivo ego, dicit Dóminus, quóniam mihi flectétur omne genu: et omnis lingua confitébitur Deo. Ítaque unusquísque nostrum pro se ratiónem reddet Deo.

 

Graduale. Ps. 22, 4. Si ámbulem in médio umbræ mortis, non timébo mala: quóniam tu mecum es, Dómine.

℣. Virga tua et báculus tuus, ipsa me consoláta sunt.

 

Allelúja, allelúja. ℣. Ps. 30, 2-3. In te, Dómine, sperávi, non confúndar in ætérnum: in justítia tua líbera me et éripe me: inclína ad me aurem tuam, accélera, ut erípias me. Allelúja.

Post Septuagesimam, omissis Allelúja et Versu sequenti, dicitur: 
Tractus. Ps. 24, 17-18 et 1-4. De necessitátibus meis éripe me, Dómine: vide humilitátem meam et labórem meum: et dimítte ómnia peccáta mea.

℣. Ad te, Dómine, levávi ánimam meam: Deus meus, in te confído, non erubéscam: neque irrídeant me inimíci mei.

℣. Étenim univérsi, qui te exspéctant, non confundéntur: confundántur omnes faciéntes vana.

 

Tempore autem Paschali emittitur Graduale, et ejus loco dicitur:

Allelúja, allelúja.

℣. Ps. 113, 1. In éxitu Israël de Ægýpto, domus Jacob de pópulo bárbaro. Allelúja.

℣. Ps. 107, 2. Parátum cor meum, Deus, parátum cor meum: cantábo et psallam tibi, glória mea. Allelúja.

 

✠ Sequéntia sancti Evangélii secúndum Lucam.

Luc. 21, 34-36.

 

In illo témpore: Dixit Jesus discípulis suis: Atténdite vobis, ne forte gravéntur corda vestra in crápula et ebrietáte et curis hujus vitæ: et supervéniat in vos repentína dies illa: tamquam láqueus enim supervéniet in omnes, qui sedent super fáciem omnis terræ. Vigiláte ítaque, omni témpore orántes, ut digni habeámini fúgere ista ómnia, quæ futúra sunt, et stare ante Fílium hóminis.

 

Offertorium. Ps. 30, 15-16. In te sperávi, Dómine; dixi: Tu es Deus meus, in mánibus tuis témpora mea. (T.P. Allelúja.)

 

SECRETA

Súscipe, quǽsumus, Dómine, hóstiam, quam tibi offérimus pro extrémo vitæ nostræ, et concéde: ut per eam univérsa nostra purgéntur delícta; ut, qui tuæ dispositiónis flagéllis in hac vita attérimur, in futúra réquiem consequámur ætérnam. Per Dóminum nostrum.

   

Communio. Ps. 70, 16-17 et 18. Dómine, memorábor justítiæ tuæ solíus: Deus, docuísti me a juventúte mea: et usque in senéctam et sénium, Deus, ne derelínquas me. (T.P. Allelúja.)

POSTCOMMUNIO

Quǽsumus cleméntiam tuam, omnípotens Deus, ut per hujus virtútem sacraménti nos fámulos tuos grátia tua confirmáre dignéris: ut in hora mortis nostræ non præváleat contra nos adversárius; sed cum Angelis tuis tránsitum habére mereámur ad vitam. Per Dóminum.