Vexílla Regis

Vexílla Regis
MIENTRAS EL MUNDO GIRA, LA CRUZ PERMANECE

LOS QUE APOYAN EL ABORTO PUDIERON NACER

LOS QUE APOYAN EL ABORTO PUDIERON NACER
NO AL ABORTO. ELLOS NO TIENEN LA CULPA DE QUE NO LUCHASTEIS CONTRA VUESTRA CONCUPISCENCIA

NO QUEREMOS QUE SE ACABE LA RELIGIÓN

NO QUEREMOS QUE SE ACABE LA RELIGIÓN
No hay forma de vivir sin Dios.

ORGULLOSAMENTE HISPANOHABLANTES

ORGULLOSAMENTE HISPANOHABLANTES

lunes, 16 de noviembre de 2026

MISA DE NUESTRA SEÑORA DE LA MISERICORDIA EN LA PUERTA DEL ALBA

  
Die 16 Novembris
In Dicec. Vilnensi
B. Maríæ V., Matris Misericórdia ad Portam Aciálem Vilnæ
  
Introitus. Esth. 13, 17. Convérte luctum nostrum in gáudium, ut vivéntes laudémus nomen tuum, Dómina, et ne claudas ora te canéntium et laudántium te. Ps. 66, 2. Deus misereátur nostri, et benedícat nobis: illúminet vultum suum super nos, et misereátur nostri. ℣. Glória Patri. 

ORATIO
Adésto Dómine, pópulo tuo, ut beatissimam Vírginem Maríam Matrem Misericórdiæ devóte récolens, ad impetrándam misericórdiam tuam ejus semper patrocíniis adjuvétur. Per Dóminum.
  
Léctio libri Sapiéntiæ.
Prov. 8, 22-35.
 
Dóminus possédit me in inítio viárum suárum, ántequam quídquam fáceret a princípio. Ab ætérno ordináta sum, et ex antíquis, ántequam terra fíeret. Nondum erant abýssi, et ego jam concépta eram: necdum fontes aquárum erúperant: necdum montes gravi mole constíterant: ante colles ego parturiébar: adhuc terram non fécerat et flúmina et cárdines orbis terræ. Quándo præparábat cœlos, áderam: quándo certa lege et gyro vallábat abýssos: quándo ǽthera firmábat sursum et librábat fontes aquárum: quándo circúmdabat mari términum suum et legem ponébat aquis, ne transírent fines suos: quándo appendébat fundaménta terræ. Cum eo eram cuncta compónens: et delectábar per síngulos dies, ludens coram eo omni témpore: ludens in orbe terrárum: et delíciæ meæ esse cum fíliis hóminum. Nunc ergo, fílii, audíte me: Beáti, qui custódiunt vias meas. Audíte disciplínam, et estóte sapiéntes, et nolíte abjícere eam. Beátus homo, qui audit me et qui vígilat ad fores meas cotídie, et obsérvat ad postes óstii mei. Qui me invénerit, invéniet vitam et háuriet salútem a Dómino.

Graduale. Judith 13, 22. Benedíxit te Dóminus in virtúte sua, quia per te ad níhilum redégit inimícos nostros.
℣. Ibid., 23. Benedícta es tu a Dómino, Deo excélso, præ ómnibus muliéribus super terram.

Allelúja, allelúja. ℣. Ibid., 24-25. Benedíctus Dóminus, qui hódie nomen tuum ita magnificávit, ut non recédat laus tua de ore hóminum, qui mémores fúerint virtütis Dómini in ætérnum. Allelúja.

✠ Sequéntia sancti Evangélii secúndum Lucam.
Luc. 1, 26-38.

In illo témpore: Missus est Ángelus Gábriel a Deo in civitátem Galilǽæ, cui nomen Názareth, ad Vírginem desponsátam viro, cui nomen erat Joseph, de domo David, et nomen Vírginis María. Et ingréssus Ángelus ad eam, dixit: Ave, grátia plena; Dóminus tecum: benedícta tu in muliéribus. Quæ cum audísset, turbáta est in sermóne ejus: et cogitábat, quális esset ista salutátio. Et ait Ángelus ei: Ne tímeas, María, invenísti enim grátiam apud Deum: ecce, concípies in útero et páries fílium, et vocábis nomen ejus Jesum. Hic erit magnus, et Fílius Altíssimi vocábitur, et dabit illi Dóminus Deus sedem David, patris ejus: et regnábit in domo Jacob in ætérnum, et regni ejus non erit finis. Dixit áutem María ad Ángelum: Quómodo fiet istud, quóniam virum non cognósco? Et respóndens Ángelus, dixit ei: Spíritus Sanctus supervéniet in te, et virtus Altíssimi obumbrábit tibi. Ideóque et quod nascétur ex te Sanctum, vocábitur Fílius Dei. Et ecce, Elisabeth, cognáta tua, et ipsa concépit fílium in senectúte sua: et hic mensis sextus est illi, quæ vocátur stérilis: quia non erit impossíbile apud Deum omne verbum. Dixit áutem María: Ecce ancílla Dómini, fiat mihi secúndum verbum tuum.

Credo.

Offertorium. Jerem. 18, 20. Recordáre, Virgo, Mater Dei, dum stéteris in conspéctu Dómini, ut loquáris pro nobis bona, et ut avértat Indignatiónem suam a nobis.

SECRETA
Deus, qui nos per hujus sacrifícii veneránda commércia unius summæ divinitátis partícipes éfficis: concéde propítius; ut, sicut beatíssima Vírgine María nos singuláriter consolánte tuam cognóscimus veritátem, sic eam dignis móribus assequámur. Per Dóminum.

Præfatio de B. Mariæ V. Et te in Festivitáte:
Vere dignum et justum est, ǽquum et salutáre, nos tibi semper et ubique grátias ágere: Dómine sancte, Pater omnípotens, ætérne Deus: Et te in Festivitáte beátæ Maríæ semper Vírginis collaudáre, benedícere et prædicáre. Quæ et Unigénitum tuum Sancti Spíritus obumbratióne concépit: et, virginitátis glória permanénte, lumen ætérnum mundo effúdit, Jesum Christum, Dóminum nostrum. Per quem majestátem tuam laudant Angeli, adórant Dominatiónes, tremunt Potestátes. Cœli cœlorúmque Virtútes ac beáta Séraphim sócia exsultatióne concélebrant. Cum quibus et nostras voces ut admitti jubeas, deprecámur, súpplici confessióne dicéntes:
  
Sanctus, Sanctus, Sanctus Dóminus, Deus Sábaoth. Pleni sunt cœli et terra glória tua. Hosánna in excélsis. Benedíctus, qui venit in nómine Dómini. Hosánna in excélsis.

Communio. Ps. 29, 11-13. Facta es adjútrix nostra: convertísti planctum nostrum in gáudium: circumdedísti nos lætítia, ut cantet tibi glória nostra.

POSTCOMMUNIO
Tantis, Dómine, repléti munéribus: præsta, quǽsumus; ut, pro nobis semper interveniénte unigéniti Fílii tui gloriosíssima Genitríce, et salutária dona capiámus, et a tua núnquam láude cessémus. Per eúmdem Dóminum.

No hay comentarios:

Publicar un comentario

Preferiblemente, los comentarios deberán relacionarse con el artículo. De otro modo, se publicará en función de la pertinencia del contenido.

Los administradores se reservan el derecho de publicación y respuesta, y renuncian a TODA responsabilidad civil, administrativa, penal y canónica por el contenido de los comentarios que no sean de su autoría
. La blasfemia está estrictamente prohibida, y los insultos a la administración constituyen causal de no publicación.

Comentar aquí significa aceptar las condiciones anteriores. De lo contrario, ABSTENERSE.