MISA DE LA TRANSVERBERACIÓN DEL CORAZÓN DE SANTA TERESA DE JESÚS

Del Misal Propio de los Carmelitas Descalzos, Lisboa 1761 (Los Carmelitas descalzos, a pesar de la sugerencia de San Juan de la Cruz de conservar el Rito del Santo Sepulcro -propio de los Carmelitas de Antigua Observancia, dada su permanencia en Tierra Santa-, adoptaron el Rito Romano codificado por San Pío V. Con todo, les fueron reconocidas Misas y Lecciones propias).

   

Die 27 Augusti

Transverberatiónis Cordis Sanctæ Terésiæ, Vírginis ac Matris Nostræ

Duplex II. clasis

 
Introitus. Hab. 3, 9-11. Suscítans suscitábis, Dómine, arcum tuum in luce sagittárum tuárum ibunt, in splendóre fulgurántis hastæ tuæ. Ps. 107, 2. Parátum cor meum, Deus, parátum cor meum: cantábo et psallam tibi, glória mea. ℣. Glória Patri.
 
ORATIO

Deus, qui illibáta præcórdia beátæ Vírginis Terésiæ sponsa tuæ, ac Matris Nostræ, ígnito jáculo transfixísti, et charitátis víctima consecrásti: ipsa interveniénte, concéde, ut corda nostra ardóre Sancti Spíritu férveant, et te in ómnibus super ómnia dilígant. Qui vivis et regnas cum Deo Patre in unitáte ejúsdem Spíritus Sancte, Deus, per ómnia sǽcula sæculórum. Amen.

  

Léctio Epístolæ beáti Pauli Apóstoli ad Hebrǽos.

Hebr. 4, 12-13.

 
Fratres: Vivus est enim sermo Dei, et éfficax et penetrabílior omni gládio ancípiti: et pertíngens usque ad divisiónem ánimæ ac spíritus: compágum quoque ac medullárum, et discrétor cogitatiónum et intentiónum cordis. Et non est ulla creatúra invisíbilis in conspéctu ejus: ómnia autem nuda et apérta sunt óculis ejus.
  
Graduale. Ps. 41, 2-3. Quemádmodum desíderat cervus ad fontes aquárum: ita desíderat ánima mea ad te, Deus.

℣. Sitívit ánima mea ad Deum fortem vivum: quando véniam et apparébo ante fáciem Dei?

  

Allelúja, allelúja. ℣. Ps. 16, 3. Probásti cor meum, et visitásti nocte, igne me examinásti. Allelúja.

  

✠ Sequéntia sancti Evangélii secúndum Lucam.

Luc. 12, 48-50.

  

In illo témpore: Dixit Jesus discípulis suis: Omni, cui multum datum est, multum quærétur ab eo: et cui commendavérunt multum, plus petent ab eo. Ignem veni míttere in terram, et quid volo nisi ut accendátur? Baptísmo autem hábeo baptizári: et quómodo coárctor usque dum perficiátur?

  

Offertorium. Lev. 3, 16. Univérsa vitália adolébit in pábulum ignis, et oblatiónis Dómini.

  

SECRETA

Majestáti tuæ, quǽsumus Dómine, beátæ Terésiæ précibus nostra sit accépta devótio: cui transfíxi, et combústi Cordis ejus, digne plácuit holocáustum. Per Dóminum.
 
Præfatio de Sancta Teresia

Vere dignum et justum est, ǽquum et salutáre, nos tibi semper et ubíque grátias ágere: Dómine sancte, Pater omnípotens, ætérne Deus: per Christum Dóminum nostrum. Qui beátam Terésiam Sanctórum sciéntia ac divínæ caritátis ardóre muneráre: et Ángeli visióne, ígnito jáculo præcórdia ejus transverberántis, veheméntius inflammáre, eámque sibi spiritáli connúbio sociátam, data déxtera, significáre dignátus est. Quo caritátis incéndio, dum beátæ Terésiæ vita consúmitur, spíritus ejus colúmbæ specie egrédi visus, sublímen cœléstis glóriæ gradum conscéndit. Et ídeo cum Ángelis et Archángelis, cum Thronis et Dominatiónibus cumque omni milítia cœléstis exércitus hymnum glóriæ tuæ cánimus, sine fine dicéntes:

  

Sanctus, Sanctus, Sanctus Dóminus, Deus Sábaoth. Pleni sunt cœli et terra glória tua. Hosánna in excélsis. Benedíctus, qui venit in nómine Dómini. Hosánna in excélsis.
 
Communio. Deut. 4, 35-36. Quóniam Dóminus ipse est Deus, de cœlo te fecit audíre vocem suam, ut docéret te, et in terra osténdit tibi ignem suum máximum.
 
POSCOMMUNIO

Deus, qui Fílium tuum, ut ignem mítteret in terram, veníre fecísti: da nobis eo indesinénter accéndi qui beátam Terésiam Matrem nostram felíciter adússit, et ad te diligéndum íntime vulnerávit. Per eúmdem Dóminum.