Misa aprobada el 26 de Noviembre de 1919 por la Sagrada Congregación de Ritos. La misa Justus ut palma es del Común de los Confesores no pontífices en el Rito Carmelita, pero con las Lección y el Evangelio del Común de los Abades y oraciones propias; mientras que la misa Os Justi es del Común de Confesores no pontífices en el Rito Romano (en uso por los Carmelitas descalzos), aunque con oración propia.
Beáte Nónii Álvarez Peréira, Carm. Confessóris.
Duplex minus.
Introitus. Ps. 91, 13-14. Justus ut palma florébit: Sicut cedrus Líbani multiplicábitur: plantátus in domo Dómini: in átriis domus Dei nostri. (T. P. Allelúja, allelúja). Ps. ibid., 1. Bonum est confitéri Dómino: et psállere nómini tuo, Altíssime. ℣. Glória Patri. (T. P. Allelúja allelúja.).
ORATIO
Deus, qui beáto Nónio bonum certámen certáre dedísti, eúmque sui ac mundi contemptórem exímium effecísti: concéde nobis fámulis tuis; ut, devíctis mundi cupiditátibus, in cœlésti pátri perpétuo gaudeámus. Per Dóminum.
Et fit Commemoratio Octavæ Omnium Sanctorum.
ORATIO
Omnípotens sempitérne Deus, qui nos ómnium Sanctórum tuórum mérita sub una tribuísti celebritáte venerári: quǽsumus; ut desiderátam nobis tuæ propitiatiónis abundántiam, multiplicátis intercessóribus, largiáris. Per Dóminum.
Pro S. Leonardo Confessore.
ORATIO
Majestáti tuæ, quǽsumus, Dómine, sancti Confessóris tui Leonárdi nos pia júgiter comméndet orátio: ut, quem débito venerámur offício, ipsíus suffrágio sublevémur optáto. Per Dóminum.
Léctio libri Sapiéntiæ.
Eccli. 45, 1-6.
Eccli. 45, 1-6.
Diléctus Deo et homínibus, cujus memória in benedictióne est. Símilem illum fecit in glória sanctórum, et magnificávit eum in timóre inimicórum, et in verbis suis monstra placávit. Gloríficávit illum in conspéctu regum, et jussit illi coram pópulo suo, et osténdit illi glóriam suam. In fide et lenitáte ipsíus sanctum fecit illum, et elégit eum; ex omni carne. Audívit enim eum et vocem ipsíus, et indúxit illum in nubem. Et dedit illi coram præcépta, et legem vitæ et disciplínæ
Graduale. Ps. 20, 4-5. Dómine, prævenísti eum in benedictiónibus dulcédinis: posuísti in cápite ejus corónam de lápide pretióso.
℣. Ibid., 3. Vitam pétiit a te, et tribuísti ei longitúdinem diérum in sǽculum sǽculi.
Allelúja, allelúja. ℣. Ps. 91, 13. Justus ut palma florébit: sicut cedrus Líbani multiplicábitur. Allelúja.
¶ In Missis votivis post Septuagesimam, omissis Allelúja, et Versu sequenti, dicitur:
Graduale. Ps. 11, 1-3. Beátus vir, qui timet Dóminum: in mandátis ejus cupit nimis.
℣. Potens in terra erit semen ejus: generátio rectórum benedicétur.
℣. Glória et divítiæ in domo ejus: et justítia ejus manet in sǽculum sǽculi.
Tempore autem Paschali omittitur Graduale, et ejus loco dicitur:
Allelúja, allelúja.
℣. Ps. 111, 1. Beátus vir, qui timet Dóminum: in mandátis ejus cupit nimis. Allelúja, allelúja.
℣. Matth. 28, 2. Ángelus Dómini descéndit de cœlo: et accédens revólvit lápidem, et sedébat super eum. Allelúja.
Post Ascensionem, dicitur:
℣. Ps. 111, 1. Beátus vir, qui timet Dóminum: in mandátis ejus cupit nimis. Allelúja, allelúja.
℣. Ephes. 4, 8. Ascéndens Christus in altum, captívam duxit captivitátem: dedit dona homínibus. Allelúja.
✠ Sequéntia sancti Evangélii secúndum Matthǽum.
Matth. 19, 27-29.
Matth. 19, 27-29.
In illo témpore: Dixit Petrus ad Jesum: Ecce, nos relíquimus ómnia, et secúti sumus te: quid ergo erit nobis? Jesus áutem dixit illis: Amen, dico vobis, quod vos, qui secúti estis me, in regeneratióne, cum séderit Fílius hóminis in sede majestátis suæ, sedébitis et vos super sedes duódecim, judicántes duódecim tribus Ísraël. Et omnis, qui relíquerit domum, vel fratres, aut soróres, aut patrem, aut matrem, aut uxórem, aut fílios, aut agros, propter nomen meum, céntuplum accípiet, et vitam ætérnam possidébit.
Credo, ratione Octavæ.
Offertorium. Ps. 2, 3 et 4. Desidérium ánimæ ejus tribuísti ei, Dómine, et voluntáte labiórum ejus non fraudásti eum: posuísti in cápite ejus corónam de lápide pretióso. (T. P. Allelúja.)
SECRETA
Tuórum mílitum, Rex omnípotens, virtútem corróborat; ut, quos in hujus mortalitátis stádio, beáti Nónii Confessóris tui vita præclára lætíficat: consummáto cursu certámis, per hæc quæ offérimus, immortalitátis bravíum comprehéndant. Per Dóminum.
Commemoratio Octava Omnium Sanctorum.
SECRETA
Múnera tibi, Dómine, nostra devotiónis offérimus: quæ et pro tuórum tibi grata sint honóre Justórum, et nobis salutária, te miseránte, reddántur. Per Dóminum.
Pro S. Leonardo Confessore.
SECRETA
Munéribus sacris et précibus beáti Leonárdi, nobis, Dómine, succúrre placátus: et præsta; ut, quod fidéliter pétimus, efficáciter consequámur. Per Dóminum.
Communio. Luc. 12, 42. Fidélis servus et prudens, quem constítuit dóminus super famíliam suam: ut det illis in témpore trítici mensúram. (T. P. Allelúja.)
POSTCOMMUNIO
Súpplices te rogámus, omnípotens Deus: ut, quos tuis réficis sacraméntis; intercedénte Beáto Nónio Confessóre tuo, tríbuas ab hóstium insídiis júgiter liberári, et contra ómnia advérsa contínua protectióne muníri. Per Dóminum.
Commemoratio Octava Omnium Sanctorum.
POSTCOMMUNIO
Da, quǽsumus, Dómine, fidélibus pópulis ómnium Sanctórum semper veneratióne lætári: et eórum perpétua supplicatióne muníri. Per Dóminum.
Pro S. Leonardo Confessore.
POSTCOMMUNIO
Puríficet semper, et múniat, tui nos suscéptio sacraménti: et, intercessióne sancti Confessóris tui Leonárdi; perpétuis per eum mereámur gáudiis cœeléstibus admiscéri. Per Dóminum.
***
Die 6 Novembris
Beáte Nónii Álvarez Peréira, Confessóris.
Beáte Nónii Álvarez Peréira, Confessóris.
Altera Missa - Pro Carmelitis Discalceatorum.
Introitus. Ps. 36, 30-31. Os justi meditábitur sapiéntiam, et lingua ejus loquétur judícium: lex Dei ejus in corde ipsíus. Ps. ibid., 1. Noli æmulári in malignántibus: neque zeláveris faciéntes iniquitátem. ℣. Glória Patri.
ORATIO
Deus, qui beáto Nónio bonum certámen certáre dedísti, eúmque sui ac mundi contemptórem exímium effecísti: concéde nobis fámulis tuis; ut, devíctis mundi cupiditátibus, in cœlésti pátri perpétuo gaudeámus. Per Dóminum.
Et fit Commemoratio Octavæ Omnium Sanctorum.
ORATIO
Omnípotens sempitérne Deus, qui nos ómnium Sanctórum tuórum mérita sub una tribuísti celebritáte venerári: quǽsumus; ut desiderátam nobis tuæ propitiatiónis abundántiam, multiplicátis intercessóribus, largiáris. Per Dóminum.
Léctio libri Sapiéntiæ.
Eccli. 31, 8-11.
Eccli. 31, 8-11.
Beátus vir, qui invéntus est sine mácula, et qui post aurum non ábiit, nec sperávit in pecúnia et thesáuris. Quis est hic, et laudábimus eum? fecit enim mirabília in vita sua. Qui probátus est in illo, et perféctus est, erit illi glória ætérna: qui potuit tránsgredi, et non est transgréssus: fácere mala, et non fecit: ídeo stabilíta sunt bona illíus in Dómino, et eleemósynis illíus enarrábit omnis ecclésia sanctórum.
Graduale. Ps. 91, 13 et 14. Justus ut palma florébit: sicut cedrus Líbani multiplicábitur in domo Dómini.
℣. Ibid., 3. Annuntiándum mane misericórdiam tuam, et veritátem tuam per noctem.
Allelúja, allelúja. ℣. Jac. 1, 12. Beátus vir, qui suffert tentatiónem: quóniam, cum probátus fúerit, accípiet corónam vitæ. Allelúja.
¶ In Missis votivis post Septuagesimam, omissis Allelúja, et Versu sequenti, dicitur:
Graduale. Ps. 11, 1-3. Beátus vir, qui timet Dóminum: in mandátis ejus cupit nimis.
℣. Potens in terra erit semen ejus: generátio rectórum benedicétur.
℣. Glória et divítiæ in domo ejus: et justítia ejus manet in sǽculum sǽculi.
Tempore autem Paschali omittitur Graduale, et ejus loco dicitur:
Allelúja, allelúja.
℣. Ps. 111, 1. Beátus vir, qui timet Dóminum: in mandátis ejus cupit nimis. Allelúja.
℣. Osee 14, 6. Justus germinábit sicut lílium: et florébit in ætérnum ante Dóminum. Allelúja.
✠ Sequéntia sancti Evangélii secúndum Matthǽum.
Matth. 19, 27-29.
Matth. 19, 27-29.
In illo témpore: Dixit Petrus ad Jesum: Ecce, nos relíquimus ómnia, et secúti sumus te: quid ergo erit nobis? Jesus áutem dixit illis: Amen, dico vobis, quod vos, qui secúti estis me, in regeneratióne, cum séderit Fílius hóminis in sede majestátis suæ, sedébitis et vos super sedes duódecim, judicántes duódecim tribus Ísraël. Et omnis, qui relíquerit domum, vel fratres, aut soróres, aut patrem, aut matrem, aut uxórem, aut fílios, aut agros, propter nomen meum, céntuplum accípiet, et vitam ætérnam possidébit.
Credo, ratione Octavæ.
Offertorium. Ps. 88, 25. Véritas mea et misericórdia mea cum ipso: et in nómine meo exaltábitur cornu ejus.
SECRETA
Láudis tibi, Dómine, hóstias immolámus in tuórum commemoratióne Sanctórum: quíbus nos et præséntibus éxui malis confídimus, et futúris. Per Dóminum.
Commemoratio Octava Omnium Sanctorum.
SECRETA
Múnera tibi, Dómine, nostra devotiónis offérimus: quæ et pro tuórum tibi grata sint honóre Justórum, et nobis salutária, te miseránte, reddántur. Per Dóminum.
Communio. Matth. 24, 46-47. Beátus servus, quem, cum vénerit dóminus, invénerit vigilántem: amen, dico vobis, super ómnia bona sua constítuet eum.
POSTCOMMUNIO
Refécti cibo potúque cœlésti, Deus noster, te súpplices exorámus: ut, in cujus hæc Commemoratióne percépimus, ejus muniámur et précibus. Per Dóminum.
Commemoratio Octava Omnium Sanctorum.
POSTCOMMUNIO
Da, quǽsumus, Dómine, fidélibus pópulis ómnium Sanctórum semper veneratióne lætári: et eórum perpétua supplicatióne muníri. Per Dóminum.
No hay comentarios:
Publicar un comentario
Los comentarios deberán relacionarse con el artículo. Los administradores se reservan el derecho de publicación, y renuncian a TODA responsabilidad por el contenido de los comentarios que no sean de su autoría. La blasfemia está estrictamente prohibida, y los insultos a la administración es causal de no publicación.
Comentar aquí significa aceptar las condiciones anteriores. De lo contrario, ABSTENERSE.
+Jorge de la Compasión (Autor del blog)
Jorge Rondón Santos (Editor colaborador)