HIMNO “Summi Regis Cor, avéto”

Himno atribuido a San Germán José de Colonia O. Præm.

  

LATÍN

Summi regis cor, avéto,

Te salúto corde læto,

Te complécti me deléctat

Et hoc meum cor afféctat,

Ut ad te lóquar, anímes.

Quo amóre vincebáris,

Quo dolóre torquebáris,

Cum te totum exhauríres,

Ut te nobis impertíres

Et nos a morte tólleres?

O mors illa, quam ámara,

Quam immítis, quam ávara,

Quæ per cellam introívit,

In qua mundi vita vivit.

Te mordens, cor dulcíssimum.

Propter mortem, quam tulísti,

Quándo pro me defecísti,

Cordis mei cor diléctum.

In te meum fer afféctum,

Hoc est, quod opto plúrimum.

O cor dulce, prædiléctum,

Munda cor meum illéctum

Et in vanis indurátum,

Pium fac et timorátum,

Repúlso tetro frigóre.

Per médullam cordis mei,

Peccatóris átque rei,

Tuus amor transferátur,

Quo cor totum rapiátur

Lánguens amóris vúlnere.

Dilatáre, aperíre,

Támquam rosa fragrans mire,

Cordi meo te conjúnge,

Unge illud et compúnge,

Qui amat te, quid pátitur?

Quídnam agat, nescit vere,

Nec se valet cohíbere,

Nullum modum dat amóri,

Multa morte vellet mori,

Amíre quísquis vincítur.

Viva cordis voce clamo,

Dulce cor, te námque amo,

Ad cor meum inclináre,

Ut se possit applicáre

Devóto tibi péctore.

Tuo vivat in amóre,

Nec dormítet in tórpore,

Ad te oret, ad te ploret,

Te adóret, te honóret.

Te fruens omni témpore.

Rosa cordis aperíre,

Cujus odor fragrat mire,

Te dignáre dilatáre,

Fac cor meum anheláre

Flamma desidérii.

Da cor cordi sociári,

Tecum, Jesu, vulnerári,

Nam cor cordi similátur,

Si cor meum perforátur

Sagíttis impropérii.

Infer tuum intra sinum

Cor ut tibi sit vicínum,

In dolóre gaudióso,

Cum defórmi specióso

Quod vix seípsum cápiat.

Hic repáuset, hic morétur,

Ecce jam post te movéur,

Te ardente vult sítire,

Jesu, noli contráore,

Ut bene de te séntiat.