Vexílla Regis

Vexílla Regis
MIENTRAS EL MUNDO GIRA, LA CRUZ PERMANECE

LOS QUE APOYAN EL ABORTO PUDIERON NACER

LOS QUE APOYAN EL ABORTO PUDIERON NACER
NO AL ABORTO. ELLOS NO TIENEN LA CULPA DE QUE NO LUCHASTEIS CONTRA VUESTRA CONCUPISCENCIA

NO QUEREMOS QUE SE ACABE LA RELIGIÓN

NO QUEREMOS QUE SE ACABE LA RELIGIÓN
No hay forma de vivir sin Dios.

ORGULLOSAMENTE HISPANOHABLANTES

ORGULLOSAMENTE HISPANOHABLANTES

jueves, 2 de agosto de 2018

MISA DE LA DEDICACIÓN DE LA BASÍLICA DE NUESTRA SEÑORA DE LOS ÁNGELES DE LA PORCIÚNCULA)

Del Misal Romano-Seráfico.
 
Die 2 Augustii
IN DEDICATIONE PATRIARCHALIS BASILICÆ SANCTÆ MARIÆ ANGELORUM DE PORTIUNCULA
Duplex I classis.
  
Introitus. Prov. 8, 34-35. Beátus homo qui áudit me, et qui vigílat ad fores meas quotídie, et obsérvat ad postes óstii mei. Qui me invenérit, invéniet vitam, et háuriet salútem a Dómino. (T.P. Allelúja, allelúja.) Ps. 44, 2. Eructávit cor meum verbum bonum: dico ego ópera mea regi. ℣. Glória Patri.
  
Et dicitur Glória in excélsis.
  
ORATIO
Deus, qui per sanctíssimam Genitrícem tuam, super Angelórum choros exaltátam, homínibus dispensári bona cuncta voluísti; per ipsam tríbue nobis, de tibi consecráte ejus Æde memóriam agéntibus; ut nunc peccatórum indulgéntiam et gratiárum cópiam impetrémus, ac tandem beatórum spírituum consórtium et gáudium cœléstis mansiónis habeámus: Qui vivis et regnas...
  
Léctio libri Sapientiæ.
Eccli. 24, 21-31.
 
Ego quasi Líbanus non incísus vaporávi habitatiónem meam, et quasi bálsamum non mistum odor meus. Ego quasi terebínthus exténdi ramos meos, et rami mei honóris et grátiæ. Ego quasi vitis fructificávi suavitátem odóris: et flores mei fructus honóris et honestátis. Ego mater pulchræ dilectiónis, et timóris, et agnitiónis, et sanctæ spei. In me grátia omnis viæ et veritátis: in me omnis spes vitæ et virtútis. Transíte ad me, omnes qui concupiscitis me, et a generatiónibus meis implémini: spíritus enim meus super mel dulcis, et hæréditas mea super mel et favum. Memória mea in generatióne sæculórum. Qui edunt me, adhuc esúrient, et qui bibunt me, adhuc sítient. Qui áudit me non confundétur, et qui operántur in me non peccábunt: qui elúcidant me, vitam ætérnam habébunt.
  
Graduale. Prov. 8, 20. In viis justítiæ ambúlo, in médio semitárum judícii ut ditem diligéntes me, et thesáuros eórum répleam.
℣. Ezech. 37, 26-27. Fundábo eos, et multiplicábo, et dabo sanctificatiónem meam in médio eórum in perpétuum. Et erit tabernáculum meum in eis: et ero eis Deus, et ipsi erunt mihi pópulus.
 
Allelúja, allelúja. Tob. 13, 17. Exsultáte Deo, adjutóri nostro, jubiláte Deo Jacob: súmite psalmum jucúndum cum cíthara. Allelúja.
  
Post Septuagesimam, omissis Allelúja et Versu sequenti, dicitur: 
Tractus. Luc. 1, 46-50. Magníficat ánima mea Dóminum: et exsultávit spíritus meus in Deo salutári meo.
℣. Quia respéxit humilitátem ancíllæ suæ: ecce enim ex hoc beátam me dicent omnes generatiónes.
℣. Quia fecit mihi magna qui potens est: et sanctum nomen ejus, et misericórdia ejus a progénie in progénies timéntibus eum.
  
Tempore autem Paschali, omissis Graduali et Tractu, dicitur:
Allelúja, allelúja.
℣. Isa. 55, 3. Inclináte áurem vestram, et veníte ad me; audíte, et vivet ánima vestra, allelúja.
℣. Baruch 4, 37. Ecce enim véniunt filii tui, quos dimisísti dispérsos: véniunt collécti ab oriénte usque ad occidéntem, in verbo Sancti, gaudéntes in honórem Dei, allelúja.
  
✠ Sequéntia sancti Evangélii secúndum Lucam.
Luc. 1, 26-38.
 
In illo témpore: Missus est Angelus Gábriel a Deo in civitátem Galilǽæ, cui nomen Názareth, ad Vírginem desponsátam viro, cui nomen erat Joseph, de domo David. et nomen Vírginis María. Ei ingréssus Angelus ad eam, dixit: Ave, grátia plena; Dóminus tecum: benedícta tu in muliéribus. Quæ cum audísset, turbáta est in sermóne ejus: et cogitábat, qualis esset ista salutátio. Et ait Angelus ei: Ne tímeas, María, invenísti enim grátiam apud Deum: ecce, concípies in útero et páries fílium, et vocábis nomen ejus Jesum. Hic erit magnus, et Fílius Altíssimi vocábitur, et dabit illi Dóminus Deus sedem David, patris ejus: et regnábit in domo Jacob in ætérnum, et regni ejus non erit finis. Dixit autem María ad Angelum: Quómodo fiet istud, quóniam virum non cognósco? Et respóndens Angelus, dixit ei: Spíritus Sanctus supervéniet in te, et virtus Altíssimi obumbrábit tibi. Ideóque et quod nascétur ex te Sanctum, vocábitur Fílius Dei. Et ecce, Elísabeth, cognáta tua, et ipsa concépit fílium in senectúte sua: et hic mensis sextus est illi, quæ vocátur stérilis: quia non erit impossíbile apud Deum omne verbum. Dixit autem María: Ecce ancílla Dómini, fiat mihi secúndum verbum tuum.
  
Et dicitur Credo.
   
Offertorium. Judith 13, 31. Benedícta tu a Deo tuo in omni tabernáculo Jacob, quóniam in omni gente quæ audíerit nomen tuum, magnificábitur super te Deus Israël.
 
SECRETA
Múnera devotiónis nostræ, Dómine, quæ, recenséntes dicátam tibi beátæ Maríæ Vírginis Ædem offérimus: accedéntibus ípsius Vírginis méritis, nobis et incommódia nostræ infirmitátis amóveant, ac lárgius dona tuæ virtútis impéndant. Per Dóminum.
  
Præfatio de Beátæ Maríæ Vírginis. Et te in Veneratióne:
Vere dignum et justum est, æquum et salutáre, nos tibi semper et ubique grátias ágere: Dómine sancte, Pater omnípotens, ætérne Deus: Et te in Veneratióne beátæ Maríæ semper Vírginis collaudáre, benedícere et prædicáre. Quæ et Unigénitum tuum Sancti Spíritus obumbratióne concépit: et, virginitátis glória permanénte, lumen ætérnum mundo effúdit, Jesum Christum, Dóminum nostrum. Per quem majestátem tuam laudant Angeli, adórant Dominatiónes, tremunt Potestátes. Cœli cœlorúmque Virtútes ac beáta Séraphim sócia exsultatióne concélebrant. Cum quibus et nostras voces ut admitti jubeas, deprecámur, súpplici confessióne dicéntes:
  
Sanctus, Sanctus, Sanctus Dóminus, Deus Sábaoth. Pleni sunt cœli et terra glória tua. Hosánna in excélsis. Benedíctus, qui venit in nómine Dómini. Hosánna in excélsis.
    
Communio. Luc 1, 28. Ave, María, grátia plena; Dóminus tecum: benedícta tu in muliéribus. Allelúja.
  
POSTCOMMUNIO
Recoléntibus, Dómine, consecrátam tibi beátæ Maríæ Vírginis Ædem prosit cœléste convívium ut ejúsdem Vírginis ope, dígnius imménsam in nos Fílii tui misericórdiam celebrémus, et dilectiónem erga eum perpétuam nutriámus: Qui tecum vivit et regnat in unitáte Spíritus Sancti Deus, per ómnia sǽcula sæculórum. Amen.

No hay comentarios:

Publicar un comentario

Los comentarios deberán relacionarse con el artículo. Los administradores se reservan el derecho de publicación, y renuncian a TODA responsabilidad por el contenido de los comentarios que no sean de su autoría. La blasfemia está estrictamente prohibida, y los insultos a la administración es causal de no publicación.

Comentar aquí significa aceptar las condiciones anteriores. De lo contrario, ABSTENERSE.

+Jorge de la Compasión (Autor del blog)

Jorge Rondón Santos (Editor colaborador)