Vexílla Regis

Vexílla Regis
MIENTRAS EL MUNDO GIRA, LA CRUZ PERMANECE

LOS QUE APOYAN EL ABORTO PUDIERON NACER

LOS QUE APOYAN EL ABORTO PUDIERON NACER
NO AL ABORTO. ELLOS NO TIENEN LA CULPA DE QUE NO LUCHASTEIS CONTRA VUESTRA CONCUPISCENCIA

NO QUEREMOS QUE SE ACABE LA RELIGIÓN

NO QUEREMOS QUE SE ACABE LA RELIGIÓN
No hay forma de vivir sin Dios.

ORGULLOSAMENTE HISPANOHABLANTES

ORGULLOSAMENTE HISPANOHABLANTES

lunes, 31 de mayo de 2021

MISA DE MARÍA MEDIANERA DE TODAS LAS GRACIAS

Misa compuesta por los padres Joseph-Martin Lebon y François Xavier Gotds C.Ss.R., y aprobada por el Papa Benedicto XV el 12 de Enero de 1921 a petición del cardenal Désiré-Joseph Mercier, arzobispo de Malinas.
   
Die 31 Maji
BEÁTÆ MARÍÆ VÍRGINIS, ÓMNIUM GRATIÁRUM MEDIATRÍCIS
Duplex.
   
Introitus. Hebr. 4, 16. Adeámus cum fidúcia ad thronum grátiæ, ut misericórdiam consequámur et grátiam inveniámus in auxílio opportúno. (T.P. Allelúja, allelúja.) Ps. 120, 1. Levávi óculos meos in montes: unde véniet auxílium mihi. ℣. Glória Patri.
    
ORATIO
Dómine Jesu Christe, noster apud Patrem mediátor, qui beatíssimam Vírginem, Matrem tuam, matrem quoque nostram et apud te mediatrícem constitúere dignátus es: concéde propítius; ut, quisquis ad te benefícia petitúrus accésserit, cuncta se per eam impetrásse lætétur: Qui vivis et regnas cum eodem Deo Patre.
  
Léctio Isaíæ Prophétæ.
Isa. 55, 1-3 et 5.
   
Omnes sitiéntes, veníte ad aquas: et qui non habétis argéntum, properáte, émite et comédite: veníte, émite absque argénto et absque ulla commutatióne vinum et lac. Quare appénditis argéntum non in pánibus, et labórem vestrum non in saturitáte? Audíte audiéntes me, et comédite bonum, et delectábitur in crassitúdine ánima vestra. Inclináte aurem vestram, et veníte ad me: audíte, et vivet ánima vestra. Ecce, gentem, quam nesciébas, vocábis: et gentes, quæ te non cognovérunt, ad te current propter Dóminum, Deum tuum, et sanctum Israël, quia glorificávit te.
   
Graduale. Eccli. 24, 25-26. In me grátia omnis viæ et veritátis, in me omnis spes vitæ et virtútis.
℣. Transíte ad me, omnes, qui concupíscitis me, et a generatiónibus meis implémini.
  
Allelúja, allelúja. ℣. Salve, Mater misericórdiæ, Mater spei et grátiæ, o María. Allelúja.
  
Post Septuagesimam, omissis Allelúja et Versu sequenti, dicitur:
Tractus. Apoc. 22, 16-17. Ego sum radix et genus David, stella spléndida et matutína.
℣. Et spíritus et sponsa dicunt: Veni; et qui audit, dicat: Veni.
℣. Et qui sitit, véniat; et qui vult, accípiat aquam vitæ gratis.
    
Tempore autem Paschali omittitur Graduale, et ejus loco dicitur:
Allelúja, allelúja.
℣. Isa. 60, 4. Leva in circúitu oculos tuos, et vide: omnes isti congregáti sunt, venérunt tibi. Allelúja.
℣. Fílii tui de longe vénient, et fíliæ tuæ de látere surgent. Allelúja.
   
✠ Sequéntia sancti Evangélii secúndum Joánnem.
Joann. 19, 25-27.
   
In illo témpore: Stabant juxta Crucem Jesu Mater ejus, et soror Matris ejus, María Cléophæ, et María Magdaléne. Cum vidísset ergo Jesus Matrem, et discípulum stantem, quem diligébat, dicit Matri suæ: Múlier, ecce fílius tuus. Deinde dicit discípulo: Ecce Mater tua. Et ex illa hora accépit eam discípulus in sua.
   
Credo.
  
Offertorium. Jer. 18, 20. Recordáre, Virgo Mater, in conspéctu Dei, ut loquáris pro nobis bona, et ut avértat indignatiónem suam a nobis. (T.P. Allelúja.)
  
SECRETA
Matris tuæ ac mediatrícis nostræ précibus, Dómine, quǽsumus: hæc hostiárum oblátio nosmetípsos, tua grátia largiénte, tibi perfíciat munus ætérnum: Qui vivis.
   
Præfatio de Beatæ Mariæ Virginis Et te in Festivitáte.
Vere dignum et justum est, ǽquum et salutáre, nos tibi semper et ubique grátias ágere: Dómine sancte, Pater omnípotens, ætérne Deus: Et te in Festivitáte beátæ Maríæ semper Vírginis collaudáre, benedícere et prædicáre. Quæ et Unigénitum tuum Sancti Spíritus obumbratióne concépit: et, virginitátis glória permanénte, lumen ætérnum mundo effúdit, Jesum Christum, Dóminum nostrum. Per quem majestátem tuam laudant Ángeli, adórant Dominatiónes, tremunt Potestátes. Cœli cœlorúmque Virtútes ac beáta Séraphim sócia exsultatióne concélebrant. Cum quibus et nostras voces ut admitti jubeas, deprecámur, súpplici confessióne dicéntes:
 
Sanctus, Sanctus, Sanctus Dóminus, Deus Sábaoth. Pleni sunt cœli et terra glória tua. Hosánna in excélsis. Benedíctus, qui venit in nómine Dómini. Hosánna in excélsis.
      
Communio. Esth. 15, 17. Valde mirábilis es, o María, et fácies tua plena est gratiárum. (T.P. Allelúja.)
  
POSTCOMMUNIO
Subvéniat nobis, Dómine, beátæ Maríæ, Matris tuæ ac nostræ mediatrícis, orátio: ut per hæc sacrosáncta commércia, tua grátia largiénte, ad redemptiónis ætérnæ proficiámus augméntum: Qui vivis et regnas.

No hay comentarios:

Publicar un comentario

Los comentarios deberán relacionarse con el artículo. Los administradores se reservan el derecho de publicación, y renuncian a TODA responsabilidad por el contenido de los comentarios que no sean de su autoría. La blasfemia está estrictamente prohibida, y los insultos a la administración es causal de no publicación.

Comentar aquí significa aceptar las condiciones anteriores. De lo contrario, ABSTENERSE.

+Jorge de la Compasión (Autor del blog)

Jorge Rondón Santos (Editor colaborador)