MISA EN HONOR A SANTA FILOMENA, VIRGEN Y MÁRTIR

Misa concedida al Obispado de Nola en 1898.

Die 11 Augusti
SANCTÆ PHILUMÉNÆ, Vírginis et Mártyris

Duplex.

   

Introitus. Exod. 15, 2. Fortitúdo mea, et laus mea Dóminus, et factus est mihi in salútem (T.P. Allelúja, allelúja). Ps. 17. 2-3. Díligam te, Dómine, fortitúdo mea: Dóminus firmaméntum meum, et refúgium meum, et liberátor meus. ℣. Glória Patri.

  

ORATIO

Deus, qui nos Beátæ Philuménæ Vírginis et Mártyris tuæ méritis et exémplo susténtas, concéde propítius, ut in fide et charitáte firmáte nulis a te tentatiónibus separémur. Per Dóminum nostrum.
 

Lectio Libri Sapiéntiæ.

Eccli. 51, 13-17.

Domine Deus meus, exaltásti super terram habitatiónem meam, et pro morte defluénte deprecátus sum. Invocávi Dóminum patrem Dómini mei, ut non derelínquat me in die tribulatiónis meæ, et in témpore superbórum, sine adjutório. Laudábo nomen tuum assídue, et collaudábo illud in confessióne: et exaudíta est orátio mea, et liberásti me de perditióne, et eripuísti me de témpore iníquo. Proptérea confitébor, et láudem dicam tibi, et benedícam nómini Dómini.
 
Graduale. Ps. 44, 8. Dilexísti justítiam et odísti iniquitátem.

℣. Proptérea unxit te Deus, Deus tuus, óleo lætítiæ.

  

Allelúja, allelúja. Ps. 44, 15 et 16. Adducéntur Regi vírgines post eam, próximæ ejus afferéntur tibi in lætítia. Alleluja.

Post Septuagesimam, omissis Allelúja cum verso sequenti, dicitur:
Tractus: Veni Sponsa Christi, áccipe corónam, quam tibi Dóminus præparávit in ætérnum: pro cujus amórem sánguinem tuum fudísti.
℣. Dilexísti justítiam, et odísti iniquitátem: proptérea unxit te Deus, Deus tuus, óleo lætítiæ præ consórtibus tuis.
℣. Specie tua, et pulchritudine tua intende prospere procede, et regna.

Tempore Paschali omittur Graduale, et ejus loco dicitur:

Allelúja, Allelúja.
℣. Adducéntur Regi vírgines post eam, próximæ ejus afferéntur tibi in lætítia. Allelúja.
℣. Specie tua, et pulchritudine tua intende prospere procedei, et regna.Allelúja .
  

✠ Sequentia Sancti Evangelii secundum Matthǽum.

Matth. 13, 44-52.

 
In illo témpore: Dixit Jesus discípulis suis parábolam hanc: Símile est regnum cœlórum thesáuro abscóndito in agro: quem qui invénit homo, abscóndit, et præ gáudio illíus vadit, et vendit univérsa quæ habet, et emit agrum illum. Íterum símile est regnum cœlórum hómini negotiatóri, quærénti bonas margarítas. Invénta autem una pretiósa margaríta, ábiit, et vendídit ómnia quæ hábuit, et emit eam. Íterum símile est regnum cœlórum sagénæ missæ in mare, et ex omni génere píscium congregánti. Quam, cum impléta esset, educéntes, et secus littus sedéntes, elegérunt bonis in vasa, malos autem foras misérunt. Sic erit in consummatióne sǽculi: exíbunt Ángeli, et separábunt malos de médio justórum, et mittent eos in camínum ignis: ibi erit fletus, et stridor déntium. Intellexístis hæc ómnia? Dicunt ei: Étiam. Ait illis: ídeo omnis scriba doctus in regno cœlórum, símilis est hómini patrifamílias, qui profert de thesáuro suo nova et vétera.
  
Offertorium. Ps. 115, 14-15. Vota mea Dómino reddam coram omni pópulo ejus, pretiósa in conspéctu Dómini mors sanctórum ejus (T.P. Allelúja).
  
SECRETA

Hæc hóstia, quǽsumus Dómine, quam Beátæ Philuménæ Vírginis et Mártyris tuæ mérita recenséntes offérimus, et véniam nobis cónferat, et quæ pro peccátis nostris mereámur advértat. Per Dóminum.
  
Communio. Ps. 144, 9. Suávis Dóminus univérsis, et miseratiónes ejus super ómnia ópera ejus (T.P. Allelúja).
  
POSTCOMMUNIO

Refécti cibo, potúque cœlésti, súpplices te Dómine deprecámur, ut Beátæ Philuménæ Vírginis et Mártyris tuæ vestígia prosequéntes; et ejúsdem sentiámus opem, et vitam ætérnam consequámur. Per Dóminum.